<p class="ql-block">《繁花》起蓬头了。上海滑稽戏么花头，倒是香港导演拍额电视剧奈上海闲话拍火了。滑稽！</p><p class="ql-block">不只是勒上海，据统计，勒全国收视率也高得野豁豁。嘻嘻。有点想勿通。再想想，好像通了。人，是怀旧的动物。</p><p class="ql-block">我祖籍浦东，勒正宗老上海人睛睛里是乡下人。但我生勒市区，长勒市区，身份证310⋯，也好充充上海人，想插两句。</p><p class="ql-block">老早当是怀旧是阿拉老人额专利，現在看来中青年也怀旧额。不一样额是，老人是靠怀旧来过日脚，有点像着围棋终局复盘。中青年是歇歇脚，回头看看，笑笑，辨辨味道，再朝前头走。</p><p class="ql-block">人一生可能有三额阶段：物质·精神·灵魂。绝大多数人一生一世混在第一阶段，稍微碰一碰第二阶段又跌下來了。繁花里额众生相也勿例外。</p><p class="ql-block">啥额叫文化？我讲勿清爽，其实也沒弄懂，迪辈子弄不懂勒。但是方言、房子、美食肯定是额伐，也是斜气重要额伐。草民是需要文化额。于是，繁花奈上海闲话激活了，奈黄河路、乍浦路激活了（其实原著里主要写额是卢湾区淮海中路复兴中路南昌路雁荡路向明中学一带）。看来不管是啥层次的人，文化是斜气重要额，是精神寄托，是生活鲜头。</p><p class="ql-block">人，生是来赎罪受苦？人，生是来享受快乐？</p><p class="ql-block">人生，一定要经历甜酸苦辣喜怒哀乐才完整！</p><p class="ql-block">但愿：随着辰光额流逝，回转头来想想看看，苦冲淡，甜变浓。会额！侬讲呢？</p>