<h1 style="text-align: center;"><i>བརྩེ་འཕྲིན་ཆུ་ལ་སྤྲིངས་པའི་མཚན་མོ་འདིར།<br>སྒོ་གསུམ་ནད་ཀྱིས་མནར་འདྲིའི་ཚོར་སྣང་བྱུང<br>མི་མེད་ས་སྟོང་འདི་ཡི་ཁོར་ཡུག་ཁྲོད།<br>ཆ་རྒྱུས་ཡོད་པའི་ཁྱོད་ཀྱི་རྒྱབ་གཟུཊ་མཐོང་།</i></h1><h1 style="text-align: center;"></h1><h1><i><br></i></h1><i><h1 style="text-align: center;"><i>མི་ཚོགས་ཁྲི་སྟོང་མངའ་བའི་ཁྲོམ་སྲང་དེ།<br></i><i>རྙོག་འཛིང་རབ་ཏུ་རྒོད་པའི་གཡུལ་ས་བཞིན།<br></i><i>སྤྲིན་ནག་ས་རྡུལ་གཡོ་བའི་རྒྱ་གྲོང་འདིར།<br></i><i>ལོང་གཏམ་སྣང་བ་སུན་པོའི་ངང་གིས་བཟི།</i></h1><h1 style="text-align: center;"></h1><h1 style="text-align: center;"><br></h1><i><h1 style="text-align: center;"><i><i>རེ་ཤིང་བསྒུག་པའི་འོད་དཀར་རི་བོང་ཅན།<br></i></i><i><i>མུན་པའི་ཀློང་དུ་འོད་སྣང་གསལ་བའི་ཁྱོད།<br></i></i><i><i>བརྩེ་བ་གསོན་པོ་སྙིང་ཁོག་རུས་གཏིང་སྦས།<br></i></i><i><i>དྲན་པའི་སྙིང་གཏམ་དམར་པོ་ལྷོད་ཀྱིས་གླེང་།</i></i></h1></i><h1 style="text-align: center;"></h1><h1 style="text-align: center;"><br></h1><i><h1 style="text-align: center;"><i><i>ནང་སེམས་གྲང་ངད་ལྡང་བའི་སྟོན་ཟླ་འདིར།<br></i></i><i><i>སྡོང་བུའི་ལོ་མ་སེར་པོ་ས་རུ་ཐོར།<br></i></i><i><i>མཛེས་པའི་ནོར་འཛིན་སྒེག་མོའི་པང་མཐིལ་དུ།<br></i></i><i><i>དྲི་མེད་དྭངས་གཙང་ཁ་བ་དཀར་པོའི་གཡོགས།<br></i></i><i><i> <br></i></i><i><i> ཟླ༡༠བའི་ཚེས༡༠ཉིན།</i></i></h1></i></i><h1 style="text-align: center;"></h1><h1 style="text-align: center;"><i><br></i></h1><h1 style="text-align: center;"></h1><h1 style="text-align: center;"><i><br></i></h1>