<h3>མི་འཇིགས་སེང་གེས་བཏེཊ་པའི་ཁྲི་སྟེང་དུ།།</h3><h3>ཤཱཀྱའི་རྒྱལ་བོ་ལྷམ་མེར་བཞུགས་ནས་ནི།།</h3><h3>ཟབ་རྒྱས་ཆོས་འཁོར་སྐོར་བའི་ཉམས་ལྡན་ཞིང་།།</h3><h3>ཡིད་འཕྲོག་པདྨ་རཱ་གའི་རི་བོ་ལ།།</h3><h3>ཉིན་བྱེད་འོད་ཀྱིས་འཁྱུད་པ་བཞིན་མཛེས་པ།།</h3><h3>ཟངས་མདོག་དཔལ་རིའི་མཆེད་ཟླ་ཧེད་པོ་ཞེས།།</h3><h3>རབ་བརྗིད་ས་འཛིན་རྩེ་མོ་གསུམ་པའི་སྤོར།།</h3><h3>སྐྱབས་མགོན་དགེ་བཤེས་ཆེན་མོས།</h3> <h3> <i><u><b>གྲུབ་དབང་སྐལ་ལྡན་སྒྲུབ་ཕུག</b></u></i></h3> <h3>འདུ་འཛིའི་དབེན་པའི་ཉམས་དགའི་བྲག་སྐྱབས་འདིར།།</h3><h3>གཡོ་མེད་ཚེ་གཅིག་ཏིང་འཛིན་ལོངས་སུ་སྤྱད།།</h3><h3>བདག་ཛིན་སྲིན་མོའི་དགྲ་ཚོགས་རྩ་བར་བཅོམ།།</h3><h3>གཏན་བདེའི་ལམ་བཟང་གོ་འཕང་རིམ་གྱིས་བགྲོད།།</h3><h3>སྒྲུབ་པ་ཉམས་ལེན་མཛད་དེ་གྲུབ་པའི་གོ་འཕང་བརྙེས་པ་</h3><h3>གྲུབ་དབང་སྐལ་ལྡན་རྒྱ་མཚོ་སོགས་གཞུགས་པས་སྐལ་ལྡན་</h3><h3>སྒྲུབ་ཕུག</h3><h3><br></h3><h3><br></h3><h3><br></h3> <h3> <i><u><b> བཀའ་གདམས་རི་ཁྲོད།</b></u></i></h3> <h3>རྒྱལ་བའི་བཀའ་གསུང་སྣ་གཅིག་འདོར་མེད་པར།།</h3><h3>མངོན་མཐོ་ངེས་ལེགས་ཐོབ་པའི་གདམས་ངག་ཏུ།།</h3><h3>གོ་བས་རྣལ་འབྱོར་སྟོང་གི་དབེན་གནས་པར།།</h3><h3>བཞུགས་པའི་བཀའ་གདམས་སློབ་བརྒྱུད་རྣམས་ལ་འདུད།།</h3><h3>རྒྱལ་བའི་ཡི་གེ་སྣ་གཅིག་འདོར་དུ་མེད་པར་གང་ཟག་</h3><h3>གཅིག་འཚང་རྒྱ་བའི་གདམས་ངག་ཏུ་གོ་བའི་རྣལ་འབྱོར་</h3><h3>བ་བཞུགས་པས་ན་བཀའ་གདམས་རི་ཁྲོད།</h3><h3><br></h3><h3><br></h3> <h3> <b><i><u> </u></i></b><i><u><b>ཞབས་དཀར་རི་ཁྲོད།</b></u></i></h3> <h3>གདམས་དོན་ཉམས་སུ་ལེན་ལ་ཚེ་གཅིག་པར།།</h3><h3>སྒྲུབ་པའི་རྒྱལ་མཚན་གཡོ་མེད་བསྒྲེང་མཁས་པ།།</h3><h3>ཞབས་དཀར་ཚོགས་དྲུག་རང་གྲོལ་ལ་སོགས་པའི།།</h3><h3>རྣལ་འབྱོར་སྟོང་གི་སྒྲུབ་གནས་ཕྱག་གི་ཡུལ།།</h3><h3>གདམས་དོན་ཉམས་སུ་བླངས་ནས་སྒྲུབ་པའི་རྒྱལ་མཚན་</h3><h3>གཡོ་མེད་དུ་བསྒྲེང་བས་རྣལ་འབྱོར་བ་ཞབས་དཀར་</h3><h3>ཚོགས་དྲུག་རང་གྲོལ་སོགས་བཞུགས་པས་ཞབས་དཀར་</h3><h3>རི་ཁྲོད།</h3><h3><br></h3> <h3> <i><b><u><font color="#010101">བསམ་གཏན་རི་ཁྲོད།</font></u></b></i></h3> <h3>འདུ་ཟིང་དབེན་པའི་གནས་ན་ལྷོད་ཀྱིས་བཞུགས།།</h3><h3>ཉོན་མོངས་དྲི་མའི་མ་ལྷད་རྩེ་གཅིག་ཏུ།།</h3><h3>གཞོལ་བས་རྒྱལ་གསུང་ངེས་དོན་གཏན་ལ་དབབ།།</h3><h3>འབྲས་བུ་ཐེག་མཆོག་ཤེས་རབ་ཚད་མའི་རྒྱན།།</h3><h3>བསམ་གཏན་ལ་སྙོམས་པར་ཞུགས་ཚེ་རྣ་རྩར་རྔ་བོ་ཆེ་</h3><h3>རྡུང་ཡང་མི་ཤིགས་པའི་རྣལ་འབྱོར་བ་མང་པོ་</h3><h3>བཞུགས་པའི་ན་བསམ་གཏན་རི་ཁྲོད།</h3> <h3>དབེན་གནས་འདིར་བཀའ་གདམས་ཕ་ཆོས་བུ་ཆོས་ལས།</h3><h3>རྗེ་རྒྱལ་བ་མང་བོ་དེར་ལྷག་ཏེ།།</h3><h3>གནས་བྱིན་གྱིས་བརླབས་པར་ཁོ་བོས་འཚལ།།</h3><h3>ཞེས་གསུངས་པ་ལྟར།</h3><h3> སྣང་མཐའི་མགོན་པོ་པཎ་ཆེན་ཐམས་ཅད་མཁྱེན་པ། </h3><h3>ཀུན་སྤངས་སེམས་དཔའ་ཆེན་པོ་རྗེ་བྱམས་པ་</h3><h3>དགེ་ལེགས་རྒྱལ་མཚན།</h3><h3>སྒྲུབ་བརྒྱུང་བསྟན་པའི་མངའ་བདག་རྗེ་གསེར་ཁང་བ་</h3><h3>བློ་བཟང་བསྟན་འཛིན་རྒྱ་མཚོ། </h3><h3>ཀུན་གཟིགས་མ་ཧཱ་པཎྜི་ཏ་ཤིང་བཟའ་བློ་བཟང་</h3><h3>དར་རྒྱས་རྒྱ་མཚོ་འམ་དབྱངས་ཅན་དགྱེས་པའི་བློ་གྲོས་</h3><h3>སྐུ་ཕྲེང་རིམ་བྱོན། ཀིརྟི་བློ་བཟང་འཕྲི་ལས། </h3><h3>རོང་བོ་གྲུབ་དབང་སྐལ་ལྡན་རྒྱ་མཚོ། </h3><h3>ཞབས་དཀར་ཚོགས་དྲུག་རང་གྲོལ་སོགས་སྔོན་བྱོན་</h3><h3>སྐྱེས་ཆེན་མང་བོས་གནས་འདིར་བྱིན་གྱི་བརླབས་ཤིང་</h3><h3>སྒྲུབ་པ་ཉམས་ལེན་མཛད་པའི་གནས་མཆོག་ཅིག་ཡིན།</h3><h3><br></h3><h3>གླིང་བ་མཁས་བཙུན་བཟང་པོས་རྩོམ་དང་པར་བསྒྲིགས་བྱས།</h3><h3>གོང་འོག་གི་པར་བཞི་དགེ་བཟོད་པའི་དྲྭ་ལས་བཤུས།</h3>