<h3>སྣང་བ་བན་བུན།</h3><h3> </h3><h3> རུ་མཚོན། མཚོ་ལྷོ།</h3><h3><br /></h3><h3> </h3><h3> </h3><h3><br /></h3> <h3>སྣང་བ་བན་བུན་རི་ཟོར་ལ་ནས་མཆེད།།<br /></h3><h3>སྨུག་པ་གར་གོར་བདེ་མོ་ཐང་ན་འདུ།།</h3><h3>ལང་ལོང་ཐར་ཐོར་ལས་ནི་རྒྱུ་བ་ཁྱོད།།</h3><h3>བདག་གི་དྲན་ཚོར་དཔེ་རུ་དཔར་བ་འདྲ།།</h3><h3><br /></h3><h3>གནམ་ལ་མི་ཤོང་ཚོར་བ་འཕྱུར་འཕྱུར་ཡོད།།</h3><h3>ས་ཡིས་མི་བཟོད་གདུང་བ་ལྕི་ལྕི་འདུག།</h3><h3>དྲན་གདུང་མཆི་མའི་བཏུང་བ་ནུར་ནུར་བོ།།</h3><h3>ཟག་བཅས་ཕོར་བའི་ནང་ལ་ལྟེམ་ལྟེམ་འཁོར།།</h3><h3><br /></h3><h3>ཡོད་མིན་མེད་མིན་བརྩེ་བ་སྦས་མ་མངོན།།</h3><h3>ཆེ་མིན་ཆུང་མིན་ཞེན་སེམས་གླན་མ་བཀོག།</h3><h3>རིང་མིན་ཐུང་མིན་ཚེ་ཡི་གསེར་སྐུད་འདི།།</h3><h3>ཡིན་མིན་ཅི་རིགས་འཐབ་པའི་གྲུ་གུར་དཀྲིས།།</h3><h3><br /></h3><h3>ལ་ལ་ས་ཡི་གསེབ་ན་ནུར་ནས་འཚོ།།</h3><h3>མང་ཞིག་མཁའ་ཡི་ལམ་ན་འཕུར་ཀྱིན་འདུག།</h3><h3>ང་ནི་བར་མ་བར་ན་ལངས་ནས་ཡོད།།</h3><h3>འདི་དག་སུ་དང་གང་གི་དོན་དུ་འམ།།</h3><h3><br /></h3><h1> <span style="color: rgb(57, 181, 74);">༢༠༡༤:༡༠:༢༣</span></h1>