<h1>དོན་ལྔ་སྣོད་དྲུག་ནི་གང་དག་ཡིན།</h1><h3>五脏六腑</h3><h3><br /></h3><h1> དོན་ལྔ་ནི། གློ་བ་དང་། སྙིང་། མཆིན་པ། མཁལ་མ། མཚེར་པ་བཅས་དང་། </h1><h3>五脏：脾、肺、肾、肝、心；</h3><h1> སྣོད་དྲུག་ནི། ཕོ་བ་དང་། ལོང་ཀ རྒྱུ་མ། མཁྲིས་པ། ལྒང་བུ། བསམ་སེའུ་བཅས་དྲུག་གོ།</h1><h3>六腑：胃、大肠、小肠、三焦、膀胱、胆。</h3> <h1> མིའི་མཆིན་པར་ནུས་པ་གང་ལྡན་ཡོད་དམ། མཆིན་པ་ནི་མིའི་ལུས་ཁམས་ཀྱི་ཆེས་ཆེ་བའི་འཇུ་རྨེན་ཡིན་ལ་རྙིང་ཚབ་གསར་བརྗེ་བྱེད་པའི་དབང་པོ་ཞིག་ཀྱང་ཡིན་པས་དེར་གལ་ཆེའི་ནུས་པ་ལྡན་ཡོད། དཔེར་ན། ཚིལ་དང་། མངར་ཆའི་རིགས། སྤྲི་དཀར་སོགས་རྙིང་ཚབ་གསར་བརྗེ་བྱེད་པ་དང་། ཁྲག་ནང་གི་དངོས་པོ་གསོག་ཉར་དང་གར་ཚད་སྙོམས་སྒྲིག མཁྲིས་ཁུ་ཟགས་ཐོན་དང་དུག་སེལ་སོགས་བྱེད་ཀྱི་ཡོད།</h1> <h1><span style="color: rgb(237, 35, 8);"><b>ཕོ་བ་དང་དེའི་བྱེད་ལས།</b></span></h1><h1> ཕོ་བ་ནི་ཟས་སྐོམ་གྱི་ཡུལ་དང་མཆེར་བའི་བད་ཀན་ཀྱི་སྙིགས་མ་བེ་སྣབས་གསོག་སའང་ཡིན། དེ་ཡང་ཟས་སྐོམ་མིད་པ་དང་འཇུ་བ། ཟས་མྱག་ཅིང་འདྲིལ་བར་བྱེད་པ། ཟས་ཀྱི་དྭངས་སྙིགས་འདྲེས་པ་རྣམས་ཐུར་དུ་གཏོང་ཞིང་ཕོ་བ་ལ་སོགས་པའི་རླུང་མེ་མཉམ་གྱི་ལས་མཐའ་དག་སྣོད་ཕོ་བའི་བྱེད་པ་དང་དེ་ཉིད་མིའི་ལུས་པོའི་མ་ཆུང་གི་སྟོད་ཀྱི་དཀྱིལ་དུ་ཡར་སྣེ་མིད་པ་འབྲེལ་བ་དང་མར་སྣེ་རྒྱུ་མ་ལ་འབྲེལ་ནས་གནས་ཡོད་པ་རེད། ཕོ་བའི་གྲུབ་ཆ་གཙོ་བོ་ནི་ཕོ་སུབས་དང་ཕོ་ཤ ཕོ་སྐྱི། ཕོ་རྩ། ཕོ་ཡུ། ཕོ་རྩི་བཅས་ལས་གྲུབ་པ་ཞིག་ཡིན་ལ་དེར་མེ་མཉམ་ཀྱི་རླུང་དང་མཁྲིས་པའི་ཆུ་སྐྱུར། ཕོ་ཆུ་གསུམ་ཡང་གནས་ཡོད་པ་མ་ཟད། མ་ཞུ་བ་དང་བད་ཀན་གྱི་ནད། ཟས་སྐྲན་ལ་སོགས་པའི་ཁོང་ནད་ཐམས་ཅད་འབྱུང་སའང་ཡིན་པས་ཕོ་བའི་ནད་ལ་ནམ་ཡང་བྱ་ར་དང་གཅེས་བར་བཟུང་ཤིག</h1><h1><span style="color: rgb(237, 35, 8);"><b> རྒྱུ་མ་དང་དེའི་བྱེད་ལས།</b></span></h1><h1> རྒྱུ་མ་ནི་ཁ་ཟས་འཇུ་ས་ཞིག་དང་མཁྲིས་པའི་སྙིགས་མ་བརྟེན་སའང་ཡིན། དེ་ཡང་ཟས་འཇུ་བ་དང་ལུས་དྲོད་སྐྱེད་པ། ཟས་ཀྱི་དྭངས་སྙིགས་འབྱེད་པ།མཁྲིས་པ་མདངས་སྒྱུར་དང་སྒྲུབ་བྱེད། མདོག་གསལ། མཐོང་བྱེད་དེ་བྱེ་བྲག་གི་མཁྲིས་པ་བཞི་ཡི་གྲོགས་དང་སྟོབས་ལ་སོགས་པའི་ལས་མཐའ་དག་སྣོད་རྒྱུ་མ་ཡིས་བྱེད་བཞིན་ཡོད་པ་དང་དེ་ནི་མིའི་ལུས་པོའི་མ་ཆུང་གི་སྨད་ཀྱི་དཀྱིལ་ངོས་སུ་ཡར་སྣེ་ཕོ་དང་མར་སྣེ་ལོང་དང་འབྲེལ་ནས་ཡོད་ལ་ནང་ཁོག་ཏུ་ཟས་སྙིགས་འདྲེས་མས་ཁེངས་ནས་ཡོད། དེ་མིན་རྒྱུ་མ་ནི་ཁྲག་རྩ་དང་ཁྲག་དང་ཟས་ཆུ་རྒྱུ་སའི་ཨ་མ་ལྟ་བུ་ཡིན་པས་རྒྱུ་མ་ཞེས་ཀྱང་བཤད། དེ་ཉིད་གཙོ་བོར་རྒྱུ་ཤ་དང་རྒྱུ་སྐྱི། རྒྱུ་རྩི། རྒྱུ་རྩ། རྒྱུ་ཚིལ་བཅས་ལས་གྲུབ་པ་ཞིག་རེད། དེར་མཁྲིས་པ་འཇུ་བྱེད་དང་མཁྲིས་པའི་སྙིགས་མའང་གནས་ཡོད་པས་དེ་ལ་ནད་འགྱུར་བྱུང་ན་ཟས་མི་འཇུ་བ་དང་ཐུར་དུ་བཤལ་བ། ཚ་བ་རྒྱས་པ། ནད་ཀྱི་དུག རྒྱུ་གཟེར་ལ་སོགས་པའི་མཁྲིས་པའི་ནད་རིགས་དག་ཀྱང་འབྱུང་བ་ཡིན་ལ་དུས་ལྟར་སྨན་བཅོས་མ་བྱས་ན་ཚེ་སྲོག་ལ་རྒོལ་བར་སླ་བས་དུས་ལྟར་སྨན་བཅོས་བྱ་རྒྱུ་ནི་ཤིན་ཏུ་གལ་ཆེའོ།</h1><h1><b style="color: rgb(237, 35, 8);">ལོང་ག་དང་དེའི་བྱེད་ལས།</b></h1><h1> ལོང་ག་ནི་ཟས་ཀྱི་སྙིགས་མ་གསོག་ས་ཞིག་དང་རླུང་གི་སྙིགས་མ་གནས་སའང་ཡིན།དེས་ཟས་སྙིགས་ཐུར་དུ་གཏོང་བ་དང་འོག་རླུང་བདེ་བར་རྒྱུ་བ་ལ་སོགས་པའི་ཐུར་སེལ་རླུང་གི་ལས་མཐའ་དག་སྣོད་ལོང་གིས་བྱེད་པ་དང་དེ་ཉིད་མིའི་མ་ཆུང་གི་སྨད་ཀྱི་གཡས་ངོས་ནས་ལོང་མགོ་རྒྱུ་མ་དང་འབྲེལ་ནས་རྒྱུ་མའི་གཡས་མཐའ་སྐོར་ནས་ཡར་ཐོན་ཞིང་ཕོ་ཞབས་བརྒྱུད་ནས་རྒྱུ་མའི་གཡོན་མཐའ་དེད་དེ་མར་བབས་ནས་བཞང་ཁ་འབྲེལ་ནས་ཡོད་པ་དང་རྣམ་པ་ལོང་ལོང་གཡོ་བ་ལྟར་གནས་པའི་ལོང་ག་ཞེས་ཀྱང་ཟེར། དེ་ཉིད་གཙོ་བོར་ལོང་ཤ་དང་ལོང་རྩི། ལོང་རྩ། ལོང་ཚིལ། ལོང་སྐྱི་བཅས་ལས་གྲུབ་པ་ཞིག་ཡིན་ལ། དེ་ལ་ཐུར་སེལ་ཀྱི་རླུང་དང་རླུང་གི་སྙིགས་མ། ཟས་ཀྱི་སྙིགས་མ་སོགས་ཀྱང་གནས་ཡོད་པས་མིའི་ལུས་པོའི་གྲུབ་ཆ་གལ་ཆེན་ཞིག་ཡིན་པ་རེད། དེ་ལ་ནད་འགྱུར་སོགས་བྱུང་ན་སྦོ་འཁྲོག་དང་ཡང་ན་བཞང་བ་འཕེལ་བ་འམ་ཟད་པའི་རྟགས་སོགས་འབྱུང་བ་ཡིན་པས་སྨན་བཅོས་དུས་ལྟར་བྱ་རྒྱུ་གལ་ཆེའོ།།</h1><h1><span style="color: rgb(237, 35, 8);"><b>མཁྲིས་པ་དང་དེའི་བྱེད་ལས།</b></span></h1><h1> མཁྲིས་པ་ནི་མཆིན་པའི་སྙིགས་མ་གསོག་ས་ཞིག་དང་ཆུ་སེར་གྱི་འབྱུང་ས་ཞིག་ཡིན་ལ། ཟས་འཇུ་བ་དང་ཁ་སྐོམ་པ། ལྟོ་ལྟོགས་པ། ལུས་དྲོད་སྐྱེད་པ།གཟུགས་མཐོང་བ།སྟོབས་སྐྱེད་པ། དབང་པོ་གསལ་བ་ལ་སོགས་པའི་མཁྲིས་པའི་ལས་ཕལ་ཆེར་སྣོད་མཁྲིས་པའི་བྱེད་ཀྱི་ཡོད་པ་ཞིག་རེད། དེ་ཉིད་གཙོ་བོར་མཁྲིས་སྣོད་དང་མཁྲིས་ཁུ། མཁྲིས་རྩ། མཁྲིས་རྩི་བཅས་གྲུབ་པ་ཞིག་ཡིན་ཞིང་དེ་ནི་མིའི་ལུས་པོའི་མ་ཡ་ཆུང་གི་སྟོད་ཀྱི་གཡོས་ངོས་མཆིན་པ་དང་འབྱར་ནས་ཐུར་དུ་དཔྱངས་བའི་ཚུལ་དུ་སྡད་ཡོད་པ་རེད། དེ་ནི་མིའི་ལུས་པོ་ལ་མེད་དུ་མི་རུང་པའི་གྲུབ་ཆ་གལ་ཆེན་ཞིག་ཡིན་ལ། དེ་ཉིད་ནད་འགྱུར་བྱུང་ན་ཚ་བ་རྒྱས་ཤིང་ལུས་དྲོད་འབར་བ་དང་ཡང་ན་ལུ་གྲང་ནས་ཁ་ཟས་མི་འཇུ་བ་ལ་སོགས་པའི་མཁྲིས་ནད་ཚ་གྲང་གཉིས་ཀའང་འབྱུང་བ་ཡིན། དེ་བས་དེ་ལ་ནད་འགྱུར་བྱུང་ཡོད་མེད་བརྟགས་དཔྱད་བྱ་རྒྱུ་དང་གལ་ཏེ་ནད་འགྱུར་བྱུང་ན་དུས་ལྟར་སྨན་བཅོས་བྱ་རྒྱུའང་ཤིན་ཏུ་གལ་ཆེའོ།།</h1><h1><b style="color: rgb(237, 35, 8);">བསམ་སེའུ་དང་དེའི་བྱེད་ལས།</b></h1><h1> བསམ་སེའུ་ནི་སེམས་པ་གནས་ས་ཞིག་དང་ནམ་མཁའི་ཁམས་ཀྱི་སྙིགས་མ་གསོག་ས་ཞིག་ཀྱང་ཡིན། དེ་ནི་མི་མངོན་ལྐོགས་གྱུར་གྱི་སྣོད་ཞིག་ཡིན་པས་གྲུབ་ཚུལ་དང་རྣམ་པ་སོགས་ཤིན་ཏུ་བཤད་དཀའོ།། མི་ལ་ལས་བསམ་སེའུ་རླིག་སྒོང་ལ་བཀོལ་ཀྱང་ཁྱབ་ཆུང་བསམ། དེ་ལ་སེམས་ཀྱི་སྙིགས་མ་དང་ཁུ་བའི་སྙིགས་མ་གཉིས་ཀྱང་གནས་ཡོད་པས་མིའི་ལུས་པོའི་གྲུབ་ཆ་གལ་ཞིག་ཀྱང་ཡིན། དེ་ལ་ནད་འགྱུར་བྱུང་ན་འདོད་པ་ཉམས་པ་དང་ས་བོན་མི་འཛིན་པ།ལུས་སྟོབས་སོགས་ཀྱང་ཉམས་ཞན་དུ་འགྲོ་བས་དུས་ལྟར་སྨན་བཅོས་བྱ་རྒྱུ་ནི་ཤིན་ཏུ་གལ་ཆེའོ།།</h1><h1><b style="color: rgb(237, 35, 8);"> ལྒང་ཕུག་དང་དེའི་བྱེད་ལས།</b></h1><h1> ལྒང་ཕུག་ནི་ཆུ་ཡི་སྙིགས་མ་གསོག་ས་ཞིག་དང་ཆུ་སེར་གྱི་སྙིགས་མ་འབེབ་ས་ཞིག་ཀྱང་ཡིན་ལ། དེས་དྲི་ཆུ་ཕྱིར་འབྱིན་པའམ་སྡོམ་པའི་ལས་རྣམས་བྱེད་བཞིན་ཡོད། དེ་ཉིད་ནི་མིའི་ཚང་ཁུང་དུ་ཡར་སྣེ་མཁལ་རྩ་དང་མར་སྣེ་གཅིན་ཁུང་དང་འབྲེལ་ནས་གནས་ཡོད་ལ། དེ་ནི་གཙོ་བོར་ལྒང་ཤ་དང་ལྒང་སྐྱི། ལྒང་རྩ་བཅས་ལས་གྲུབ་པ་ཞིག་རེད། དེ་ལ་ནད་འགྱུར་བྱུང་ན་མཁལ་ནུས་ཉམས་ནས་དྲི་ཆུ་འགག་པའམ་ཡང་ན་ཡང་སྲི་གཏོང་བ་ལ་སོགས་ཀྱི་ནད་རྟགས་ཀྱང་འབྱུང་བས་དུས་ལྟར་སྨན་བཅོས་བྱ་རྒྱུ་ནི་ཤིན་གལ་ཆེའོ།།</h1> <h1><b style="color: rgb(57, 181, 74);">五脏：心、肝、脾、肺、肾。</b></h1><h1><span style="color: rgb(237, 35, 8);"><b>1、心脏；</b></span>心脏的作用一般来说就两个， 一是供血给大脑和全身筋脉，二是供氧给大脑。</h1><h1><span style="color: rgb(237, 35, 8);"><b>2、肝；</b></span>肝的作用有3个，一是藏血，将血送给心脏。二是解毒，身体的毒素都有肝脏来解。三是关着你的情绪。</h1><h1><span style="color: rgb(237, 35, 8);"><b>3 、脾脏；</b></span>脾脏的作用是帮助您的胃消化谷物类食物，并指导胰腺分泌胰岛平衡血糖。</h1><h1><b style="color: rgb(237, 35, 8);">4；肺，</b>吸氧，吸收了氧气以后给心脏，由心脏再供血和氧气给大脑。</h1><h1><b style="color: rgb(237, 35, 8);">5肾；</b>肾是一个过滤器，将水分和养分过滤一下，然后交给骨髓造血。</h1><h1><span style="color: rgb(57, 181, 74);"><b><br /></b></span></h1><h1><span style="color: rgb(57, 181, 74);"><b>六腑；大肠、小肠、胆、胃、膀胱、三焦</b></span>。</h1><h1><b style="color: rgb(22, 126, 251);">1、胃</b>，胃的作用主要是消化，就想很多的小刀，将食物剁的很碎。</h1><h1><span style="color: rgb(22, 126, 251);"><b>2、胆，</b></span>出来帮助肝脏解毒之外，还分泌胆固醇给胃帮助胃消化食物。</h1><h1><b style="color: rgb(22, 126, 251);">3、小肠</b>；胃将消化好的食物交给小肠，由小肠吸收营养。</h1><h1><b style="color: rgb(22, 126, 251);">4、大肠；</b>小肠将食物营养吸收完毕后在送给大肠，大肠通过吸水和蠕动给肛门排出体外。</h1><h1><b style="color: rgb(22, 126, 251);">5、膀胱；</b>有大肠吸收的水分给肾脏过滤后多余的部分送到膀胱变成小便排出体外。</h1><h1><b style="color: rgb(22, 126, 251);">6、三焦；</b>三焦是指 上焦 中焦 下焦 是将六腑以上5腑分为三个等分。可以理解为 胆为上焦、胃和小肠为中焦、大肠和膀胱为下焦。</h1> <h1 style="text-align: center;">སྒྲིག་སྦྱོར་བ། སྐལ་བཟང་དོན་གྲུབ།</h1>