<h3>དུས་ད་ལོ་མེ་མོ་བྱ་ཡི་ལོ།།</h3><div>བྱ་དཀར་པོ་ཞི་བདེའི་གསུང་དབྱངས་ཅན།། </div><div>བོད་ཁ་བ་ཅན་གྱི་བླ་བྱ་རེད།།</div><div>སྟོད་དབུས་གཙང་ཡུལ་གྱི་ཆོལ་ཁ་ནས།།</div><div>བོད་ཕུ་ནུ་མིང་སྲིང་ལོ་གསར་བཟང་།།</div><div>དུས་ད་ལོ་མེ་མོ་བྱ་ཡི་ལོ།།</div><div>བྱ་དཀར་པོ་འོ་མའི་སེམས་པ་ཅན།།</div><div>བོད་ཁ་བ་ཅན་གྱི་ལྷ་བྱ་རེད།།</div><div>ཡུལ་མདོ་སྨད་རིག་པའི་ཞིང་ཁམས་ནས།།</div><div>བོད་ཕུ་ནུ་མིང་སྲིང་ལོ་གསར་བཟང་།།</div> <h3>མི་ལ་ཚེ་ཡི་བཀྲ་ཤིས་ཤོག</h3> <h3>ས་ལ་གཡང་གི་བཀྲ་ཤིས་ཤོག</h3> <h3>ཟས་ལ་བཅུད་ཀྱི་བཀྲ་ཤིས་ཤོག</h3> <h3>དུས་ད་ལོ་མེ་མོ་བྱ་ཡི་ལོ།།</h3><div>བྱ་དཀར་པོ་འོ་མའི་སེམས་པ་ཅན།།</div><div>བོད་ཁ་བ་ཅན་གྱི་ལྷ་བྱ་རེད།།</div><div>ཡུལ་མདོ་སྨད་རིག་པའི་ཞིང་ཁམས་ནས།།</div><div>བོད་ཕུ་ནུ་མིང་སྲིང་ལོ་གསར་བཟང་།།</div> <h3>ཕུན་སུམ་ཚོགས་པའི་བཀྲ་ཤིས་ཤོག </h3> <h3>བདེ་སྐྱིད་ལྷ་དང་མཉམ་པར་ཤོག </h3> <h3> </h3><div>དུས་ད་ལོ་མེ་མོ་བྱ་ཡི་ལོ།།</div><div>བྱ་དཀར་པོ་གཡང་གི་གསུང་དབྱངས་ཅན།།</div><div>བོད་ཁ་བ་ཅན་གྱི་གཡང་རྟེན་རེད།།</div><div>ཡུལ་མདོ་སྟོད་ནོར་གྱི་ཆོལ་ཁ་ནས།།</div><div>བོད་ཕུ་ནུ་མིང་སྲིང་ལོ་གསར་བཟང་།།</div> <h3>ལོངས་སྐྱོད་ཀླུ་དང་མཉམ་པར་ཤོག </h3> <h3>ཚེ་སྲོག་བྲག་ལས་སྲ་བར་ཤོག</h3> <h3>དུས་ད་ལོ་མེ་མོ་བྱ་ཡི་ལོ།།</h3><div>བྱ་དཀར་པོ་དར་གྱི་གཤོག་ཟུང་ཅན།།</div><div>བོད་ཆོས་ལྡན་ཚང་གི་ལྷག་བསམ་རེད།།</div><div>བོད་ཁ་བ་ཅན་གྱི་ཞིང་ཁམས་ནས།།</div><div>སྤུན་ས་ཡ་དྲུག་པོ་ལོ་གསར་བཟང་།།</div> <h3>གང་འདོད་ལྷུན་གྱི་འགྲུབ་པར་ཤོག</h3> <h3>བྱ་བ་ལམ་འགྲོ་ཡོང་པར་ཤོག</h3> <h3>ནད་མེད་ཚེ་རིང་ཡོང་པར་ཤོག </h3> <h3>ངས་ཚེས་གཅིག་གི་སྔོན་ལ།</h3><div>དགུ་ཐུག་གི་སྔོན་ལ།</div><div>དགའ་སྤྲོའི་དུས་སྟོན་གྱི་སྔོན་ལ།</div><div>སྨོན་ཚིག་གི་ཆ་འཕྲིན་མ་སླེབས་སྔོན་ལ།</div><div>ཁྱེད་ཚོར་སྨོན་ཚིག་གི་ཆ་འཕྲིན་འདི་འཕུལ་འདོད།</div><div>ལོ་གསར་པའི་ནང་ཁྱེད་དང་ཁྱེད་ཀྱི་ནང་མི་ལོ་གསར་སྐྱིད་པོ་ཡོང་པར་ཤོག</div><div>བྱ་བ་ལམ་འགྲོ་ཡོང་པར་ཤོག</div><div>ནད་མེད་ཚེ་རིང་ཡོང་པར་ཤོག བསམ་དོན་ཡིད་བཞིན་འགྲུབ་པར་ཤོག </div>