<h3>ཕྱོཊ་བཅུའི་རྒྱལ་བའི་མཐུ་སྟོབས་གཅིག་བསྡུས་པའི། །</h3><h3>གསང་བདག་ཕྱག་ན་རྡོ་རྗེའི་སྒྱུ་འཕྲུལ་གར། །</h3><h3>ངེས་དོན་བསྟན་པའི་སྲོག་ཤིང་ཇོ་ནང་པ། ། </h3><h3>འཇིགས་མེད་རྡོ་རྗེའི་ཞབས་པད་བརྟན་གྱུར་ཅིག །</h3><h3><br /></h3><h3></h3><h3>སྐལ་ལྡན་བྱེ་བའི་བསོད་ནམས་མཐུ་དཔལ་ལས། །</h3><h3>ལེགས་གྲུབ་མཚན་དཔེ་སྟོང་འབར་གཟུགས་ཀྱི་སྐུ། །</h3><h3>མི་འགྱུར་རྡོ་རྗེའི་ཁྲི་ལ་རྟག་བཞུགས་ནས། །</h3><h3>མཛད་འཕྲིན་འོད་སྟོང་ནམ་མཁའི་མཐར་ཁྱབ་ཤོག །</h3><h3><br /></h3><h3></h3><h3>ཐུཊ་བསྐྱེད་པད་དཀར་འདབ་བརྒྱ་བཞད་པའི་དབུས། །</h3><h3>བསྟན་འགྲོའི་དོན་ཆེན་འབྲས་བུ་ཡོངས་སྨིན་ནས། །</h3><h3>མཐའ་མེད་འགྲོ་བའི་དོན་ཆེན་མ་རྫོགས་པར། །</h3><h3>སྐུ་ཚེ་སྐལ་བརྒྱའི་བར་དུ་བརྟན་གྱུར་ཅིག །</h3><h3><br /></h3><h3></h3><h3>བསྟན་པའི་དགྲ་ཆེན་རླུང་ལྟར་ལྡང་ན་ཡང་། །</h3><h3>དེ་ཡི་གཤེད་དུ་བསམ་བཞིན་སྐུར་བཞེངས་བའི། །</h3><h3>ལག་ན་རྡོ་རྗེའི་གོ་ཆ་ཉེར་བགོས་ཏེ། །</h3><h3>རྒྱལ་བསྟན་བསྲུང་ཆེད་སྐུ་ཚེ་དཔག་མེད་ཤོག །</h3><h3><br /></h3><h3></h3><h3>ཉོན་མོངས་ནད་ཀྱིས་གདུངས་བའི་འགྲོ་བ་རྣམས། །</h3><h3>སྙིགས་མའི་དུས་སུ་ཤིན་ཏུ་གདུལ་དཀའ་ཡང་། །</h3><h3>རླབས་ཆེན་རྒྱལ་བའི་སྤྱོད་པ་ལ་བརྟེན་ནས། །</h3><h3>མི་འགྱུར་སྲིད་མཐའི་བར་དུ་བརྟན་བཞུགས་གསོལ། །</h3><h3><br /></h3><h3></h3><h3>གང་འདོད་རེ་བའི་འབྲས་བུ་མྱུར་སྩོལ་བའི། །</h3><h3>རྒྱལ་ཡུམ་མྱུར་མ་དཔའ་མོའི་ཐུགས་རྗེ་དང་། །</h3><h3>བསྟན་སྲུང་ཆོས་སྐྱོང་ཡོངས་ཀྱི་ནུས་མཐུ་ཡིས། །</h3><h3>གྲངས་མེད་བསྐལ་བའི་བར་དུ་བརྟན་བཞུགས་གསོལ། །</h3><h3><br /></h3> <h5 style="text-align: right;"><span style="color: rgb(237, 35, 8);">གང་གི་སློབ་བུ་དགེ་ལེགས་དཔལ་བཟང་ནས་བྲིས་པ་དགེའོ།།</span></h5>