ཨ་མ་དྲན་བྱུང་།
དཔྱིད་ཁུག་བྱུག་གི་དྲུག་འགྱུར་སྒྲོཊ་ཤིང་།།
མགོན་ཟླ་མེད་ཀྱི་བླ་མ་དམ་པས།།
འཁོར་སློབ་འབངས་ཚོ་བརྩེ་བའི་སྐྱོང་དུས།།
དམན་འཁྱམ་པོ་ངས་མ་ལོ་དྲན་བྱུང་།།
དབྱར་སྦྲང་ཆར་གྱིས་དབྱིག་འཛིན་རླན་ཏེ།།
མཛེས་སྣ་བརྒྱ་ཡི་མེ་ཏོག་བཞད་དུས།།
རྩལ་ནུས་མེད་ཀྱི་གཡུ་སྦྲང་ང་ཡིས།།
དྲིན་མ་ལོ་ཡི་ཞལ་རས་དྲན་བྱུང་།།
སྟོན་སེར་བུ་ཡི་གྲང་རླུང་རྩུབ་མོས།།
ནགས་ལྗོན་པ་ཡི་འདབ་ལོ་གཏོར་དུས།།
རྒྱབ་གོས་མེད་ཀྱི་འཇོལ་མོ་ང་ཡིས།།
གསུང་འགག་མེད་ཀྱི་མ་ལོ་དྲན་བྱུང་།།
དགུན་ཁ་བ་ཡི་བུ་ཡུག་སྟུག་པོས།།
རྫ་རི་ཐང་ཀུན་དུང་མདོག་སྒྱུར་དུས།།
གནས་གཞིས་མེད་ཀྱི་འབྲོང་ཕྲུག་ང་ཡིས།།
དཔའ་འགྲན་མེད་ཀྱི་མ་ལོ་དྲན་བྱུང་།།