ང་།
ཡོད་ཚད་བསམ་གཞིག་བཏང་ན།།
རྩ་བའི་གཏད་སོ་མེད་དོ།།
ངར་འཛིན་བདུད་གྱི་འགོང་བོ།།
མྱུར་བར་ཐུལ་ན་བསམ་བྱུང་།།
སྲིད་རྩེེ་མནར་མེད་འཁོར་བ།།
ང་འོ་ཞེས་བའི་དྲུད་འདུག།
ང་འཛིན་རང་གི་དགྲ་བོ།།
མྱུར་བར་བྲལ་ན་བསམ་བྱུང་།།
འཁོར་བ་ཐོག་མ་མེད་པས།།
ད་ནི་མྱུར་བར་འཁོར་འགྲོ།།
ངར་འཛིན་ལྷན་སྐྱེས་རྟོགས་ན།།
དབུ་མའི་ལྟ་བ་རྟོགས་རེད།།
ནམ་ཡང་ང་སྐྱིད་ང་བཟང་།།
ང་ནི་སྡུག་དང་འཛེམ་དགོས།།
དེ་འདྲའི་ང་དེ་ཡོད་ན།།
ངེས་བར་སྟོན་དང་བློ་སྐྱེད།།
ངར་འཛིན་ཆགས་སྡང་ཞིག་གིས།།
ང་ཡི་གཏམ་རྒྱུད་བྲིས་ཏེ།།
ང་ཚོ་ཚང་མས་དེ་ལ།།
ང་བཞིན་བསམ་བློ་གཏོང་ཤོག།
2016 11 1 ནང་ཞོགས་པར་མལ་ནས་བྲིས།