<p class="ql-block"> 辣火 作者： 陈艺</p><p class="ql-block"> “生青碧绿色煊红，辛辣甘甜意相融。酣畅淋漓添涕泪，清欢此物兴无穷。”</p><p class="ql-block"> 前两天“下每昼”，我到姑苏区新民桥菜市场去买菜，里厢格声音真格是“倾铃哐啷”“罗巢得勿得了”，浓郁的市井气息扑面而来。勒嗨菜场里厢走着走着，我被眼前一个专门售卖“辣火”格摊位吸引牢哉，现场真个是“弹眼落睛”啊！“夯不浪当”一共摆仔“几几化化”格“辣火”，简直就是赶上辣火大集哉。格个颜色真格叫“五颜六色”！</p><p class="ql-block"> 倷看：“辣赤焦黄”“碧绿生青”“煊煊红”，品种多到“呒淘呒成”，令人“呒手筛锣”，真格勿晓得要选哪一种哉！于是我就伏下身询问了身着“花里百辣”上装的女摊主，格点“辣火”里厢哪一些是不辣格呀？女摊主耐心地搭我讲：“格个里厢辣火假使侬欢喜格话，那是敲耳光不放啊！侬讲阿是个。粗算算仅分辣与不辣，实际上可分为三种，一种是特别辣格，这些细长、细细的。还有一种是观赏性的且不太辣的、个子长得五大三粗，再有就是格种辣得淡滋刮嗒但是带点鲜活的甜味青椒辣火，格种辣火勒嗨苏州覅太受欢迎哦！”</p><p class="ql-block"> 我听仔女摊主话后，为了自己要拍摄“菜场归来”系列作品，索性就“一塌刮子”每样都买仔几只。兴冲冲拎仔“葛浪佃辣火”回转去，拨勒“屋里厢”刮辣松脆一顿臭骂：“倷阿是要做辣火专吃货啊！”我只好轧苗头，好声好气地搭俚讲：“勿是格，我是为仔要拍照而买格，格佃辣火夯不浪当只有廿几块，覅发火啊！哦哟哟！吃勿消哉！”</p><p class="ql-block"> 夜快点，烧夜饭晨光，“碗盏家生”备齐。随仔“必拉叭刺”声响，一盒“辣火炒肉丝”端出来哉，我用筷子夹住“碧绿生青”的辣火一尝，嗨！格个辣火覅太“鲜洁”哦！伲苏州人舌尖上的美味真格覅太多，啥人叫我是“馋痨胚”啊！</p>