粗水壅王梨

三都宿士

粗水壅王梨，環保綠色無敗害……

種了四年，一粒四斤，一粒三斤四。王梨一斤值偌濟？卜拍賣無？真奒！汝家己種亇？人所講王梨頭，西瓜尾。可能是臺灣亇品種。厝邊亇漳浦帶來這个王梨品種，送5欉予我，我種佇小區后壁空地亇所在，頭尾種四年，大體頂壅農家肥，今年則收成。肉貭共程溪旺梨無共款，纖維毋是真橂，較軟。肉貭共鳳梨無親像，鳳梨纖維軟粗。無心？無心著是臺灣亇啊。阮遮是叫王梨。……王梨應該是鳳梨或者旺梨亇諧音，有人講是本字黃梨。反正計計是譯音……王梨普通話叫菠蘿，凡勢是品種無相同。我認為王梨是本地土叫亇名，毋是譯音。雪文，沙嗲，巴剎等則是譯音。 叫法不同，旺、鳳無讀做王……放尿洗潘水做肥，環保綠色無公害，屎、尿水即當今亇農民都直捷用水冲捒了，無像往過，農民猶著到城市裏買屎尿，即當今亇人大多數徛懸樓，放屎放尿了後用自來水直捷冲捒，真拍損，種菜則用化學肥。農民徛平房也是直捷用水冲捒，屎尿計計無抾起來壅菜矣。