<p class="ql-block">“樂善好施”和表佮坂尾香踅芦塘的歷史</p><p class="ql-block">2018-09-28</p><p class="ql-block">阅读 195</p><p class="ql-block">“樂善好施”和表佮坂尾香踅芦塘的歷史 </p><p class="ql-block"> “樂善好施”和表，用石頭雕甲真媠，四欉大石柱的對聯佮頂頭横梁牌匾横批，逐字計計鏨刻幼雕，花草巧氣，字飽满够範。即桗和表北爿東頭山，面向九龍江，原本徛佇三都東頭山西南爿石龟仔邊，坂尾(锦里)社里卜去大路頭、海滄街仔的路頂斡彎的所在。阮佇海滄中學讀初中、高中的時節，彼桗和表猶徛佇學堂舊大門門工藝水準誠懸的即桗和表真無彩，佇頂世紀八十年代，海滄石料厂承包石窟開采方料彼時陣予人拆捒損否，一寡物件毋知對佗位去，無了了。即桗和表聽講是清朝尾兵部尚書閩浙总督兼福建巡抚許应骙佇光緒二十六年七月初六日奉旨為誥贈通奉大夫儲贈文林郎陳光輝的二品夫人林氏所建。“樂善好施”和表奉朝庭聖旨起佇三都東頭骹，表彰三都芦塘陳氏族人救灾濟貧的善舉。 家己若食會飽，閣有賰有法度咱著加减去救濟紮氣艱苦人，做寡公德有好無否。 芦塘東爿隔一逝巷仔過去是官宅的兩桗三落明朝的塗樓舊大厝，真有氣派，聽老沿的人咧講，官宅有一个鄭氏林夫人是坂尾人，外家坂尾若鬧熱迎香，著卜來請伊去。較早查某人縛骹，行路較勿會利便。路尾手坂尾的芦塘姑婆食老勿會行閣爱鬧熱。芦塘姑婆是好額人，名聲人，坂尾外家也毋是一般人，排過尫公迎香香陣著行位芦塘來，通予芦塘姑婆看閙熱，予伊歡喜心适。即当今坂尾迎香香陣，猶閣保留對東頭山南爿和表所在過海沧街、黄公橋、鸿沟，踅對芦塘過，才去東宫的慣勢做法抱定是對遮來的。 </p><p class="ql-block">福來閩南語漢文正字原創修改 </p><p class="ql-block">2018.9.28 </p>