<p class="ql-block">荷兰豆本底毋是生人宁荷兰</p><p class="ql-block">2018-09-29</p><p class="ql-block">阅读 219</p><p class="ql-block">為啥物“伊”佇中国叫荷兰豆, 佇荷兰叫中国豆, 伊到底是佗位來的?</p><p class="ql-block"><br></p><p class="ql-block">大航海时代，海路比陆路閣較開闊，發現了一寡新物種，同時佇各国之間相互交换交流，将一寡新的物件物種計計带到了其他的国家，佇號名頂頭，也看會出伊是外位來的品種。不而過有一款好食的豆仔，伊的名共人無親像，予人聽著奇(龟)怪奇(龟)怪。即款豆仔佇咱遮叫做荷兰豆，不而過若是佇荷兰，荷兰人共即款豆仔號做中国豆，若按呢荷兰豆原产地到底是佇佗一个国家？</p><p class="ql-block"><br></p><p class="ql-block"> 荷兰豆营养價值不止仔懸，勿會少人愛，佇咱的餐桌頂頭猶是較庶常看會著，咱遮的人也計計認為即款豆仔是對荷兰來的，叫荷兰豆。不而過伊的原产地并毋是佇荷兰，是荷兰位另外一个国家發現了后，才共即種豆仔带去其他國家，应该是賣即款豆仔的人是荷兰人，所以逐个著共伊把號做荷兰豆。</p><p class="ql-block"><br></p><p class="ql-block">后来中国的人，佇国外发现了这款豆仔，当时这款豆仔已经叫做荷兰豆囉，閣再共豆仔带轉中国的时陣，也叫伊荷兰豆。俊來著因為即个名，大部分的中国人以为这款豆仔是荷兰的，并無清楚伊的歷史來源。</p><p class="ql-block"><br></p><p class="ql-block"> 其實荷兰豆原本是生佇中国佮東南亚国家交界所在，主要产地应该是佇泰国佮缅甸之间，不而過荷兰人一直認為即种豆仔是生佇中國國土里面的，才會共即种豆仔叫做中国豆。即种豆仔佇叫法頂頭才會赫呢仔有意思，即當今逐个知影即款豆仔是佗一个国家的未。咱是毋是著閣共伊换名改姓叫泰国豆，或者是缅甸豆？</p><p class="ql-block"><br></p><p class="ql-block"> 毋知影荷兰豆即款好食的豆菜，其他国家叫伊啥名？对即款豆仔，汝有憖食無？</p>