<p class="ql-block">想著裹薄餅，會流喙齒澜。裹薄餅原在真厚工，卜食著鬥掠！</p><p class="ql-block">會使用來裹薄餅亇料草勿會少，高丽菜、荷蓮豆、紅菜頭、筍、豆乾、三層肉、蠔、元荽，滸苔、貢糖麩、甜辣醬，薄餅皮，切其好勢，款其好勢，該動鼎著動鼎，有亇料著隨項仔去炒，卜裹亇时共一張薄餅皮埔踮下底，然後則共汝想卜食亇料一項一項抾倚做伙下落薄餅皮頂頭，紲落動手了了用薄餅皮共料卷起來，兩頭著佫倒拗入來，料則勿會偸走出來，一个利眼古錐亇薄餅則裹好勢，汝嘛會使順紲開喙款落食。趁燒現裹現食上有喙路。</p><p class="ql-block">聽講往過三月節拜祖公則會去裹薄餅……</p><p class="ql-block">現此時日子好過，若有閒逐个會使相招來裹薄餅。去買寡薄餅皮轉來厝咧，數項仔款便了後，喝喝叫叫圍倚裹薄餅，是不止仔心適亇事誌，無定著都逐項有，卜食啥裹啥，憖食啥裹啥，憖食肉亇人下肉落裹，憖食素亇人汰下肉落裹……親情五十、厝邊頭尾會使喝喝叫叫倚來鬥相共鬥閙熱……那裹那喝仙……</p><p class="ql-block"><br></p><p class="ql-block">海滄圭海宿士</p><p class="ql-block">2021.01.24</p>