一次充满紧张、刺激既旅程，系我自驾以来跨度最大、行程最长，跨四省，新疆-甘肃-内蒙古-宁夏，穿越两个无人区。

冬日的阳光

终于可以出发了，人家既长假余额已经所剩无几，但我既假期先岩岩开始，选择10月7日出行，避开黄金周既人群，首站乌鲁木齐，哩个系一段策划已久既旅程，行程未开始已经令人充滿期待、摩拳擦掌、跃跃欲试，可以预计哩段系我自驾以嚟最辛苦、距离最长既旅程，但只要喜欢何尝唔系一种乐趣、一种人生体验呢？人生苦短，应该百味皆尝才不枉此生，回想起自驾过既318、金川、法国圣十字湖、冰岛，遭遇过多种恶劣路况，甚至雨雪天气，自己换备胎，我仲系充滿信心既，唯一吾可以肯定既系自己既体能极限可以去到边个境界。 乌鲁木齐，大把扎，维吾尔语贸易市场的意思，打个卡，吃点羊肉串，很有羊肉味，不过我对城市无咩兴趣，我只爱自然风光。 经典机位一定要记录，证明自己嚟过 乌鲁木齐作为省会城市建设好一般，感觉似广东既一D小县城差唔多，十月既乌鲁木齐已经非常阴冷，没阳光的地方下企一阵都会打冷颤 离开乌鲁木齐，进入吐鲁番火焰山地区，气温回升，到达第一个景点库木塔格沙漠，当做热身，17年游览过鸣沙山、月牙泉，沙漠对于我嚟讲一D都唔陌生，哩个沙漠算小型，可以飞飞无人机，睇睇日落，17年爬既鸣沙山有绳梯，较轻松，又后生D，但哩道无，全靠自己好似响沼泽地般行走，爬两步就滑一步，爬到你非常沮丧同崩溃，想放弃，无奈已响半山腰，只好咬咬牙，本人最怕楼梯同爬坡，上气不接下气，要我跑五公里我都唔会皱眉，但爬坡真系吾擅长，终于登顶了，梗要做个留念既。 沙漠既日落都几靓既 几有趣既一段视频，爬到死下死下仲要顾住我部小飞机，扮出好有型咁既款，其实都已经差唔多随时气绝身亡，反正一切向住幸福出发🛫 离开吐鲁番区进入新疆既哈密市，终于嚟到戏肉——大海道，网上刷既帖够多了，真正的戈壁荒芜既无人区，但景色非常壮观，手机全程没信号，没导航，只能睇路牌跟住车轮痕迹走，连我地入住景区唯一一家酒店都无手机信号，签过风险告知书、生死状——go!特登租咗个景区既GPS定位器，工作人员话假如车辆被困可以迅速定位车辆位置打电话等救援，问题手机信号都无，打条铁咩，佢话可以走去高处捞信号，晕😵‍💫实践证明行程无咁夸张，景区仲系比较成熟安全既，租既四驱车系特登拣六个月既新车，挺给力，除咗唔系越野胎有时会有少少打滑外，一切顺利，没爆胎，避震没断，挺扎实耐操，过景区大门后一段水泥路，后面就开始全程搓衣板路，碎石，泥沙路，老司机完全OK，因为烂玩又钟意影相，一直到天黑先飞奔去酒店，漆黑既无人区只有自己一台车既感觉好特别，开启同全世界失联既24小时。 视频颇有美国大峡谷既感觉，虽然我仲未去过，哈哈，特别第一次无人机拍追车，响城市根本无咁机会，依家又要开车又要控制无人机，仲要扮有型，有D手忙脚乱，好彩顺利完成，都拍得唔错，又有可以炫耀既资本了。 通天洞系必打卡既地方，旺季要排队影相，今日唔使等。 到达时候已近黄昏，太阳都落山了，光线经已好暗，只能将就拍几张，又系有D遗憾• 顺利完成穿越，没穿没烂，响网红既S弯道留个影得瑟一番。 今日进入青海境内大柴旦既翡翠糊，高海拔，气温骤降，17年青甘大环线遗留既几个遗珠之一，今日来圆梦。 翡翠湖非常值得推荐，对于一D首次开眼界的自然景观我通常都会不戴任何滤镜的喜欢，人超级少，任你点拍都可以 虽然风超级大，气温接近零度，风大到都可以赶得上广州市“五停” 既风力了，吹到鼻水直流，但真系非常值得嚟，大自然既神奇魔力，造就一个咁独特既奇观，佢系由多个盐湖组成的湖群，因富含钾、镁、锂等矿物质，湖水会呈现出五种颜色，分别系淡青、翠绿、深蓝、紫罗兰、淡黄，蓝得如此深邃，翠得如此碧绿…咁恶劣的环境下由于经验不足，我既大疆差D炸机，损失了两对飞机浆叶，幸好机身毫发无损，吓得我一身冷汗😓不过都有幸淡季出行，可以想象黄金周的人潮，你点拍摄？no way 第二个遗珠——水上雅丹，今日气温虽然仍旧低，但胜在天气非常给力，蓝天白云，视线非常通透，有水有雅丹地貌最容易出片。蓝天、白云、倒影，海鸥，勾勒出好一幅岁月静安好既和谐画面。 队友话快D嚟拍白鸽，有个香港女生又系话好多白鸽啊，我晕，要唔要红烧啊😵‍💫，明明系海鸥啊……肥嘟嘟 大叔装装酷 哩遍芦苇地拍咗唔少时间先收货，系我要求高吗？ 入住火星营地既孤独星际轻奢酒店，房间唔算平架——七百几，沿途一路既国度都系烂泥路，大货车排成队，加上是赶夜路，完全没路灯，抵达酒店时候已经系晚上九点几，一身疲惫、风尘仆仆、饥肠辘辘，加上低温，星空都无精力欣赏，无好好享受下酒店就又匆匆再出发了。 又一段探险之旅——穿越火星一号公路去黑独山，充满刺激，犹如响火星中漫游，点解要拣哩条路？因为路程近咗成百公里，加上哩道有独特既地貌，所以系不二之选啦，实践证明真系无拣错，又系一段难忘既历程，虽然全程无卫星信号，路亦颠簸到你怀疑人生，但真系好刺激，出片也好睇，唔似火星？ 黑独山，犹如一幅天然既水墨画，当年青甘大环线时候仲未有哩个景点，后来有人发现咗，结果嚟既人越来越多，当地又圈起来作景点收钱了。 淡季人唔算多，但风沙非常之大。 大自然既威力，有种妖怪来了既感觉 大漠孤烟直，即使你戴上口罩都会被吹到满口满头沙。 黑独山令我见识到大西北既沙尘暴，响大自然当中人类显得系如此既渺小，一个长年生活响石屎森林既人又点会知道原来系咁样既呢！长知识啦 风沙肆虐，好艰难先拍咗个希区柯克既运镜，可惜队友话根本睇唔出系咩，只有懂无人机既人先会知道哩个运镜既技术含量，唔系咁易操控，只有高阶玩家先可以呢！ 嘉峪关，补埋哩个景点，17年青甘大环线留下既遗憾就全部补齐了，若干年内，青海甘肃应该都唔使再黎住，按照小红书既攻略定位，稳到嘉峪关附近村落既一个小山坡，远眺嘉峪关，好彩我有大疆，可以飞过去，航拍嘉峪关更震撼，无任何调色，保持佢既破旧感，可惜唔系日落时分，如果唔系会更有氛围感，出咗嘉峪关就离开甘肃直奔额济纳旗了。 甘肃打卡最后一个景点——金塔胡杨林，景区比较小，景区外面的乡村小路有一大片胡杨林，作为睇胡杨前热热身，哩道虽然唔算出名，但游客都唔少，可能哩个季节岩好系欣赏胡杨吧。 离开甘肃金塔胡杨林到额济纳经历4.5小时，路况相当差，高速一直修路，只能走国度，国度无任何路灯，乌灯黑火，仅有双向两车道，货车超多，远光灯晃到你根本睇唔清前方，好彩无咁多限速同区间测速，一路狂飙120-140，到达酒店时候已经晚上九点多，队友怪责我挂住影相无时间观念，无计，我就系喜欢影相爱美景，好彩房间系提早几个月订好，如果唔系房费升上天仲要一房难求。额济纳胡杨季节就得个十几天，相当火爆，要掌握最金黄既时刻都系全靠运气，我地运气算唔错，响最灿烂既时候抵达，睇尽郊外既胡杨、市区既胡杨、景区既胡杨，无将遗憾带走。 水中既胡杨真系超治愈，加上倒影，无敌了，个一抹金黄无需调色，无需考虑构图，随手一拍都系屏保。 惊叹戈壁沙漠上既胡杨，生命力如此之顽强，千年不倒，我已经爱上哩种植物 往人少地方，挖掘更好的氛围感继续可以拍出自己最好既一面 喜欢摆拍装酷既大叔又一直拍到落日，但响落日余晖既映衬下胡杨林显得份外金黄。 时间仲系唔够用，景区非常大，真要逛完，我觉得要两日先够，所以景区既票30日内有效。凭身份证就可以30日内重复进入园区，哩点几贴心，不过胡杨应该就是十几日既灿烂期，随时一场降温就会落叶满地🍂 只有两季既广州人见到如此美景又点忍得住兴奋既心情呢 等到最后一丝光线消失得无影无踪先依依不舍离开景区，落日、枯萎既胡杨更凄美 流连忘返的额济纳旗后奔赴下一座城市——阿拉善左旗，我地既行程选择乌鲁木齐入银川出，由于额济纳到银川太远，所以中途选择响阿拉善旗落脚后再去银川，一路仲系戈壁沙漠既荒凉，风依旧大，导航时不时跳出“前面将遭遇横风，请注意驾驶安全”既语音提示，地面周不时睇到沙尘好似水蛇般飞舞。无论你从甘肃或银川去额济纳道路都唔会平坦，路程也相当远。 阿拉善左旗，听都未听过，饭点时候手抓羊味道很骚，哩个系我最爱的羊肉味，吃完奶皮子酸奶，发现吃饭既哩座古城虽然系后期人工建设但夜景都唔错，于是又嚟个航拍啰D素材 再见内蒙，再见阿拉善左旗，一个多小时车程奔赴银川机场还车，翻广州。 为咗追逐哩片金黄我足足开咗4023公里，自己都觉得不可思议！我以为上次顶住高反自驾西藏318已经好犀利，点知原来仲有潜能可挖，今次一个人自驾，加上无人机，又玩又拍，体能完全无问题，恢复极神速，每日好似打咗鸡血咁不知疲倦，应该全赖自律既生活习惯吧？运动虽然唔一定会令你长寿，但精神状态一定唔会差。未来？你我都无法预知，我只希望可以继续保持健康既体魄能够走更多既路，睇尽各种风景，响晚年既某一日沐浴响落日下翻住自己既旅游美篇，回忆曾经踏过既足迹👣…… 成个旅程既精华剪辑响哩个视频里面，开心既时间总系嫌太短，下一次出行又唔知道要等几耐了，我希望下次会尽快到来….bye!