<p class="ql-block">阿拉人侪是国家哦！</p><p class="ql-block"> 阿拉弄堂对面是一个冷冻厂，小时候常常看到大卡车从各码头运来装在竹头网格箩里的一箩箩黄鱼，带鱼，乌贼鱼等等海鲜。卡车一路滴滴答答流着水开进厂里冷冻，然后后又装进冷藏车运走。弄堂口的卡车忙忙碌碌都是这个厂进进出出的车，马路总年湿嘚嘚。厂门口常常堆着冰库里扫出来的冰雪堆小山，大热天常常爬上“冰雪山”真过瘾，有时还会捡到漏网的鱼虾蟹。这家厂常常是大块头娘的仓库，厂里的扫帚、畚箕、铅桶、篮头放勒厂门口，一息息伊就挪到伊勒屋里了。阿拉姆妈立勒弄堂里是个好脾气人，也算是个读过书的人 ，毕业于当年北虹中学前身圣方济中学 ，弄堂里都称伊是"糯米团" 。因为有点文化，所以弄堂里的电灯费，自来水费，马桶费都由她做账收取。有辰光阿拉妈看到伊迪能贪小便宜，就对伊讲：“大块头娘，勿作兴个呀！迭是国家的东西，阿拉勿好随便挪哦！”大块头娘理直气壮的说：“喔唷，侬嘎一本正经做啥啦？侬勿晓得啊？阿拉人侪是国家哦了，覅讲迪点东西了！</p><p class="ql-block"> 阿龙娘住勒大块头娘隔壁，乃么好了，伊三天两头：阿龙娘，酱油倒点拨我！阿龙娘，我起羹面粉没了，侬架橱里有伐？阿龙娘，今朝我要烧小菜了，油没了！阿龙娘，肉票迭个月吃光了伐？呶！宁客来了......伊就欺欺阿龙娘好讲闲话。阿龙娘屋里也是小人一大堆，因此各种票证发的多，还是大块头娘小仓库。阿龙娘面孔薄，怕难为情，和总祖籍是宁波同乡人，勿好意思回头伊（回绝）。</p><p class="ql-block"> 不过，大块头娘再会算，算勿过老天。一直想有个孙子，断命三个儿子，三个女儿，统统搭伊生女儿，伊的三朵金花，还生出6朵金花来。大块头娘一辈子就为迭个事体觉得抬勿起头来！</p><p class="ql-block"><span style="font-size:18px;"> 大块头娘的事，三天三夜讲勿光！迪也是当年老百姓的烟火气生活。</span></p><p class="ql-block"><span style="font-size:18px;">有空再讲。 </span>2007-08-01写</p><p class="ql-block"><br></p>