<p class="ql-block"> 讲故事前声明一下，故事虽真实但我文字功底差，上海话用文字表示也勿来山，当作闲聊写给同城上海人看白相，请勿见怪。</p><p class="ql-block"> 做姑娘的辰光，老早娘家住勒自建房弄堂里的老房子，隔壁有个邻居大家都叫她大块头娘。块头大得来下巴盖住了头颈，而头颈根本看勿到，肉肚皮也老大。弄堂里都晓得伊老会做人，门槛精得没人算过伊。有时在弄堂里占邻居的便宜，当侬还没感到，便宜已经拨伊忑得去了。</p><p class="ql-block"> 一天之，有个厂里食堂采购员踏了一部黄鱼车买菜回来，车子上放了好几样蔬菜。还有一只大白瓷盆搁在上面，一大盆猪大肠随着黄鱼车上颠簸而晃来晃去。车子踏过柏油马路上的一只阴沟盖颠簸了一几，黄鱼车上的盆子一颠动就歪忒了，大肠就从盆子里一路慢慢流了下来。这时正经过门面房子大块头娘门前，全部拨伊看到这一幕。机灵的大块头娘马上进门拿起只铅桶偷偷跟勒后头，挪铅桶候勒车子下面，整整拾到一铅桶大肠。迭个辰光，采购员一点勿晓得发生的事体，路上有人提醒伊：喂！侬格大肠都勿实缸勒！啥？大肠没了？伊连忙跳下车子一看，哎哟喂，不得了喽，盆子空忑了，大肠没得了！</p><p class="ql-block"> 再讲大块头娘屋里前门是街面靠马路，后门靠勒弄堂里。住在弄堂里的阿龙娘坐在自家门口剥毛豆，一点勿晓得发生迭个事体。</p><p class="ql-block"> 大块头娘突然听到食堂采购员发现了大肠没了一路问：啥人拾到大肠了，做做好事还拨我，回去勿好交帐啦！人家已经寻上门来，连忙拎起大肠铅桶倒勒屋里面盆里一半，走到后门假惺惺跑到隔壁阿龙娘门前哇啦哇啦叫：阿龙娘！我马路上拾到半桶大肠侬要伐？挪点去烧烧。<span style="font-size:18px;">阿龙</span>妈娘还没反应过来，人家听到伊叫声就寻上门了：阿姨，迭大肠是我勿当心落忒了，谢谢侬快点还拨我。哦！是侬落忒哦，格么侬挪回去。采购员一看只有半铅桶，以为伊只拾到半铅桶。根本想不到大块头已经挪大肠康勒（藏）屋里半铅桶，只挪出半铅桶来。</p><p class="ql-block"> 就迭能，大块头娘得到一盆猪大肠，并演出了一场好戏。再讲迪个辰光大多数人家经济差，小人多，毕竟吃大肠是开荤腥，6个小人有了3天吃大肠，天天嘴巴油脉脉，逢人就讲：阿拉姆妈烧的大肠老好吃哦！</p><p class="ql-block"> 于2007-08-01</p>