<p class="ql-block"><br></p><p class="ql-block">《梦》之四十三</p><p class="ql-block">（粤语版）</p><p class="ql-block"> 作 者：飞刀味道</p><p class="ql-block"> 美编号：2318135</p><p class="ql-block"><br></p><p class="ql-block">……</p><p class="ql-block">真系好耐无见啦！嗲嗲啊！你最近去咗边度呀？今日终于可以同你坐低食餐饭，我忍唔住冲上前，同佢揽到实一实，你个衫仲系嗰阵淡淡整洁啲味、同薄荷膏味，好似旧时一样。</p><p class="ql-block">嗲嗲一向悭家，呢餐午饭都系咸菜一盘、清炒油菜一碟，连片瘦肉都唔肯摆上台。佢笑住话：“而家成日带住班老友记返内地玩、饮饮食食，餐餐大鱼大肉，油腻到滞啦。不如清茶淡饭，个胃都舒服啲。”</p> 嗲嗲系个爱国嘅人，亦系个朴素到极致嘅人。由细到大，佢都同我哋讲：“我哋有今日，唔系必然㗎。国家由一穷二白走到而家可以飞天探月，几艰难嘅路呀。你哋要记紧，珍惜眼前所有。”<br>佢把声而家喺个梦里面仲好清楚，好似仲坐喺我对面，襟前仲系挂住嗰支旧式墨水笔同埋折得整齐嘅白手巾。我记得佢只手，皱纹好多但好有力，捞肠粉点豉油嘅手势，同揸住报纸、戴住眼镜睇新闻嘅样，一样咁认真。 我谂起好多年前，同嗲嗲、妈咪去白天鹅宾馆饮茶嘅日子。嗲嗲坐低无耐就会同我讲：“女，拣啲顶肚嘅点，唔使点咁多花巧嘢，睇得唔食得㗎。”我嗰阵好生性，专挑芋角、叉烧包同埋碟肠粉，再加个白粥，又饱又唔贵。嗲嗲坐喺度，一路冲茶一路望住我笑，成个厅堂吵吵嚷嚷，但系我哋张台好似特别静、特别温暖。<br><br> <p class="ql-block">梦里面嘅阳光透过窗纱照落枱面，嗲嗲碗白饭食到一粒都无剩。我望住佢，个心又暖又酸。呢一餐饭，简单到不能再简单，但系嗲嗲教识我嘅，就系呢种朴素里面先有嘅味道——有一种叫做“珍惜”嘅味道。</p><p class="ql-block">梦醒时分，个肚依然饱饱哋，个心，却依然挂住佢挂到实啦！</p> <p class="ql-block"><br></p><p class="ql-block">图片：Al制作</p><p class="ql-block">编辑：飞刀味道</p>