【说方言】上海方言 ，阳台农场主

朱志伟

昵称 : 朱志伟

美篇号:176198443

七月初，我辣辣（在）超市里买了几只紫山芋（紫薯）。 当时看看伊皮老光生（它表皮光滑），颜色深紫发亮。

啥人晓得（谁知道）过了几天，我忽然发觉（现）有一只紫山芋（紫薯）爆出嫩芽来了。 紫颜色额（的）嫩芽尖有点发红。

我想起小辰光姆妈讲起过（小时候母亲说过），发芽额洋山芋（的土豆）有毒不好吃额（的），不过紫山芋（紫薯）发芽，我倒想试试看种一种。

我就用水果刀轻轻叫（地）削下来发芽额（的）部分。刀辣辣紫山芋浪（在紫薯上）划过去额辰光（的时候），渗出来额浆水（的汁液），搭勒（沾在）手指头浪向‌（上），感觉有点腻滞疙瘩额（黏糊糊的）。

阳台浪向（上）有只空花盆里还有去年枯脱额（枯萎的）薄荷叶渣渣（残骸），我扒特干脱额（拨开干枯的）茎搭（和）叶子，奈紫山芋额（把紫薯的）芽埋进湿额泥里向（湿润的泥土里）。

接下去额日脚（的日子）就变得扎劲（有趣）了。我每天早浪向（上）起来第一桩事体（件事）就是跑到阳台浪（上）去看伊（它）是勿（不）是长高了。

过了几天，新额（的）嫩叶子从泥土里钻出来了，新长出来额（的）叶子边浪向（上）还有一眼眼（些）细小的锯齿。

一天早浪向（早上），我发觉（现）最顶顶高头（顶端）又爆（抽）出来一簇新芽。太阳光透过玻璃窗照勒（在）叶子浪（上），看得清叶子里向（面）紫颜色额（的）筋络一根一根交错勒海（纵横交错）。

阿拉家主婆（我的妻子）笑我盯勒（在）盆草发呆额（的）样子活脱脱像（活像）个老农民，我心里向勒（在）盘算，等旅游回转来（回来），迭眼（这些）嫩叶子好勿（不）好炒一盆。

马上就要到内蒙古呼伦贝尔大草原去了，要足足（整整）十天。 我辣（在）手机浪向（上）设好闹钟提醒，托好（嘱托）楼浪向额（上的）王阿姨隔天来浇浇水，希望伊好好叫长大（它能茁壮成长）。

到了呼伦贝尔，看牢（着）一片碧绿额（的）草原，我心里厢倒勒牵记阿拉屋里（却想着我家）阳台浪向辣（上在）生长额紫山芋（的紫薯）。

勿晓得（不知道）等我回转来额辰光（回来的时候），伊（它）会勿（不）会已经长成一片“小森林”了。