<p class="ql-block">各位，大家好！∵我系佛山市禅城区张槎街道大江村人。等我话俾你哋知啦，爷爷嫲嫲，爸爸妈咪佢哋同我改名叫冯钧宇。你哋话我个名系唔系都几好听呢？</p> <p class="ql-block">平时我在家骑在椅子上，无忧无虑，安安乐乐，玩下玩具，睇下风光，你哋话系唔系好开心呢！总之就系快快乐乐快高长大就系咯！</p> <p class="ql-block">我仲系小小年纪，爷爷嫲嫲，爸爸妈咪佢哋时不时将我带到街街度玩。个度地方周时人来车往几咁热闹，不过有阵又冷冷清清，咁我就洞高只脚睇下周围啲风景，哈！咁又几过瘾！不过俾个太公见我洞高只脚，佢梗系话我乜坐得咁老积？</p> <h3>返到屋企，妈咪帮我换过个啲衣服，戴番顶帽，仲帮我骑在张椅子上，哈，咁又干爽玲珑又几过瘾。总之高高兴兴又一日，快快乐乐又一天。</h3> <h3>我哋大江村，青山绿水，树木扶疏，环境唔错咖。周围高楼大厦，米盛鱼丰，人哋都话系鱼米之乡。哈！咁我就时不时睇下望下。美不美家乡水，亲不亲家乡人！横点睇下认识下都唔错咖系唔系呢！</h3> <h3>睇到家乡咁壮美，你话我几欢喜呢！不时登高望，美篇沁入心。家乡啲美景，多谢前辈人！你哋话咁讲有冇错呢？</h3> <h3>爷爷周时带我去街街度玩，条街道：琳琅满目，乜嘢都有，系我最中意嘅。我睇下个度五花玲珑，又睇下个边红红绿绿。几开心呀！我就想爷爷佢哋带我去街街玩。</h3> <h3>妈咪佢好关心我嘅成长咖，享屋企佢扶我上高落低，坐椅手捧，几关心我呀！穿衣戴帽，打扮保暖，总系手不停脚不住。妈咪真好！</h3> <h3>嫲嫲都唔简单啦！带我去玩个度，树绿水碧，草绿花红，蓝天白云，远近啲环境几好呀！在个度吹吹微风，晒晒热头，咁又系好地方，好环境，促进健康成长！系呀啩！</h3> <h3>爸爸妈咪带我去个度，环境优雅幽静祥和，个度个牌坊上仲写住个乜嘢秀丽湖。树木扶疏一遍绿，青天白云显幽静。个度系中山公园啩。</h3> <p class="ql-block">今次系妈咪带我去玩，个度远小小湖水风平浪静，唔知有冇鱼虾在湖水个度畅游。望远啲个度树木葱浓，之睇近啲又变咗草绿花红。周围又系微风吹过，热头较轻。哈，都几过瘾呀！</p> <p class="ql-block">爷爷最中意抱住我行街街，呢个系我十分喜欢嘅地方同理时候。个度乜嘢都有得睇。你信唔信呀？红红绿绿个啲人来来往往。唔信中意你哋自己嚟睇下。</p> <p class="ql-block">今次系我哋去太公佢屋企度玩。太公太婆几喜欢我呀！太公佢年老体弱，行动唔方便，坐享张椅子上同我交流。祝太公身体健康，长命百岁！</p> <h3>个阵太婆抱住我，我好高兴太婆又好开心。你睇下太婆佢欢喜到微埋双眼。我亦高兴到伸手张脚，都系亲人关系啊！</h3> <p class="ql-block">舅公佢都冇执输，我亦好欢喜同埋佢玩下嘅，咁几过瘾啊！</p> <p class="ql-block">舅公佢抱住我，我四围咁望，周围啲嘢好多都唔懂，都唔知系叫乜嘢架撑？冇理佢啰，总之系开心快乐，咁样就乜嘢都齐！系唔系呢？</p> <h3>妗婆佢好欢喜咁抱住我，在堂中来来往往轻踱步，几开心呀！我在个度四周张望，有乜嘢睇呢？见到乜嘢都觉得几咁过瘾！</h3> <h3>你哋睇下，个太公双眼盯着我。梗系想帮我玩下，想帮我倾计啦！咁冇所谓格，老老嫩嫩倾下计亦系好开心嘅事。你哋话呢？</h3> <h3>我享屋企都几开心，几多嘢睇咖。你睇下啦，大大细细啲用品，花花绿绿啲架撑，</h3> <h3>我最中意洞高只脚咁嚟睇嘢，太公见到梗系话我乜咁老积。佢仲话好喜欢我呢个动作呀！</h3> <h3>唔理太公佢话我乜嘢，最紧要系我习惯成自然。我觉得自在，舒服，过瘾，高兴，咁就自我开心。米系乜嘢会出事咁就万事大吉！</h3> <h3>你哋睇下啦，咁样洞高只脚又会出乜嘢事咖。人心所向各自唔同，当然，太公佢又唔系闹我，不过系佢觉得有啲过瘾罢啦！</h3> <h3>嗱，我换过个姿势又试洞高双脚！总之就系我习惯成自然，惯了咁冇乜嘢计。只要平平安安，快快乐乐，高高兴兴过日子就乜嘢都冇所谓。你话系唔系呢！</h3> <p class="ql-block">话你哋知呀，今次太婆佢抱住我，我周围咁望，个度正在映紧电视十分过'瘾，那边之又红红绿绿唔系乜嘢，冇理佢啰眼见为玲莉，水洗为干就系咯！你话啱唔啱呢？</p> <p class="ql-block">个阵太婆在佢哋屋企抱住我，我一边笑一边望。你睇我个阵时睁大双眼，我好开心好高兴啊。天气虽然系冷咗一啲，不过在太公屋企无风无雨，又有太婆抱住，我点解唔开心？你话啱唔啱？</p> <h3>各位大神你哋好！你哋系唔系见我我今日衣着光鲜，浑身亮丽咁样，你哋睇下啦，我冇讲错亚马。坐稳安乐精神爽，四面八方亮堂堂。好，你哋话啦！</h3> <h3>我今日玩嘅个啲玩具，好似又有啲唔同啰，我都唔知个啲架撑叫做乜嘢。总之玩下玩下又一日，玩下玩下又一天。唏好开心呀！</h3> <h3>屋企闲坐好自然。周围环境几光鲜。屋企物品排开晒，乜嘢架撑识唔全。阳台外边风光好，种啲植物似花园。叶绿花红几茂盛，一年四季都相连。外边风声唔系紧，又冇雨水降蓝天。好时好远好开心，坐定睇下又一天！</h3> <h3>喂：各位老友记你哋好！你哋千祈唔好以为我在洽眼瞓，其实我享度谂计仔。舔住手指托下巴，开动脑筋细沉思。世间无论大小事，千般万样紧相连。开动脑筋想硬晒，了解前途冲向前！咁懂未？</h3> <p class="ql-block">各位你哋睇下啦，今日天气真系唔错，风只系轻微掠过，又冇雨落，之佢有好靓嘅太阳。嫲嫲佢哋用车仔将我推到街街度，呼吸下新鲜空气，晒一下个啲热头，哈咁又几过瘾啊！不访你哋也嚟试下啦！包你哋喜欢中意！</p> <p class="ql-block">嗱！你哋睇下啦，条街街个度干净利落差不多连树叶都唔见。不过路边啲树木就几乎系不得可了，绿树生长咗红花，微风掠过，树枝摆动花跳舞，几过瘾啊！我就咁装下望下开开心又一日啦，你哋呢？嚟埋条街街度侵埋你玩呀！</p> <p class="ql-block">你哋谂下啦，我今日在屋企里边，咁样当然系无风又冇雨啦，而且今日仲有啲冷，唔使乜嘢开空调开风扇。爸爸佢哋抱住我，我对屋里同阳台装下又望下，都几过瘾。总之隨随便又一日嘅啦！</p> <p class="ql-block">咃！换过件衫成个唔同晒。你哋睇：光鲜亮丽，成个成咗好似雄伟精壮嘅男子汉咁。好，唔同你哋讲咁多，我相信递日肯定有机会嘅，到个阵时先正帮你算账。拜拜！</p> <p class="ql-block">今日系个太公抱住我，太公佢年纪老啦但冇乜嘢问题，总之系我哋欢喜就系好事，你喜欢我而我又中意你，咁样就大家高高兴兴就系咯！</p> <p class="ql-block">话你知呀，太公抱住我，佢望住我笑，咁我却又笑迷迷咁望住佢庶，而且我仲想伸手摸佢下巴个啲短胡苏呢！呀你话几开心又几过瘾呢！真系几好玩咖！</p>