小满的美篇（副本）（副本）（副本）

小满

旧事千般凭记忆，时光转眼数十年 先贤惜早逝，晚辈逐代传我老妈子，我个乖孙卓轩应该称佢为太婆。佢名叫霍顺，南海市人，享年九十有二。解放初娘家富裕，有七八间大屋，三四块屋地，四五个渔塘，禾田若干亩，养十多头肥猪，有母猪和小猪。合作化后鱼塘土地归集体，个阵水崩基最少冲倒了三间屋。出嫁到海口我庞家后，也曾经买屋地建新屋。乖孙轩轩称太公嘅叫庞恩，大号庞忠盛，佢生前在广州工作。可惜英年早逝，享年仅四十余岁。此十分可惜且伤感且矣！ 执教四十载，于今念前情各位：我名字有所更改，我原名叫庞满添，当年在工作时有几个人与我同名叫亚满嘅，由于我年纪比他们年经佢哋就更改咗我叫小满个名，都叫咗几十年我亦无所谓嘅咯。我一九六O年小学毕业，当咗八年农民，六八年当老师，执教四十一年去过四间学校。当年在红师班学习咗九个月时，当咗九个月嘅团总支书记，到学校工作后当咗七八年校长，约二十年教导主任，约三十年教六年级。小学毕业水平教六年级！唉，咁个啲都系旧事`嘅咯，旧事千般凭记忆，光阴转眼几十年矣！这张照片是越南下龙湾。几座石便说美景靓过广西桂林！真系可叹可怜！ 老幼齐合映，欢乐过新年呢张照片系我哋全家老幼嘅合照！周围绿树扶疏，中间造型壮丽，确实系唔错嘅优雅环境！洽好映像个阵正值新年时刻，咁就更增添咗欢乐嘅气氛者矣！你哋话系唔系呢？ 全家出外游，大家几开心照片系我个仔嘅，记得个阵时佢哋俩个大人都有啲空闲时间，就决定带俩个细路出去游玩一下。咁样既可以活跃佢哋身心，又可增长佢哋嘅见识，咁又何乐而不为？俩个细路当时仲手捧糖丝非常高兴，唔错，一家人都眉开眼笑十分欢乐！ 女儿嫁大江，外孙已工作照片系我嘅女儿嘅，嫁夫大江姓冯，生子后由于夫妻工作比较繁忙，儿子就一直在海口生活咗十多年。读小学中学阶段，基本上都系生活在海口我哋屋企。现个外孙已大学毕业，参加工作，结婚生子也回乡生活了！这是他们俩母子之倩影。 女婿大江人，曾孙冯钧宇我女婿大江村人，青年时曾做过买卖，中年后就一直都在大江村政府中任各种职务。现一家生活很不错，儿子结婚生孙，老幼欢乐！阖家幸福安康！闲时抱孙出门游玩其乐融融！ 女儿带孙仔，出门郊外游我个女儿，佢十分喜欢关心佢嘅孙仔，特别系佢嘅儿子媳妇都要参加工作，哪么平时抚养乖孙嘅，佢便确实系在所难辞矣。照片系佢抱着乖孙郊外活动！睇起嚟也真个两嫲孙都十分开心！ 外孙两夫妻，抱儿公园游外孙佢哋夫妇工作认真，生活幸福安康，平时夫妇都要参加工作，抚养儿子嘅责任当然由嫲嫲负责。咁样一嚟，节假日带儿子游玩自然系开心兼努力了。照片个度写住乜嘢：秀丽湖：咁个度系唔系中山公园？就不得而知者矣。 老表齐聚会，饭店共留影大家都知道啦，社会上一直流传住一啲流言蜚语。讲乜嘢话一代姑，二代表，三代嘴喵喵，四代见面都唔叫。为咗睇下个個问题嘅现实，前几年我哋约咗一啲姑表同埋一啲亲友回乡团聚。开始时仲系比较热闹嘅，有十多廿人回乡参加，个张照片系在一次聚会后，在饭店门口摄嘅。后屘就越来越冷清啦。我哋亦无可奈何，只好顺其自然矣！ 初临惠东县，荔枝大丰年一九九九年，我哋初次到惠东县探访堂兄，嚟到惠东县出现嘅情况，不但我哋见都未见过嘅嘢，连谂都谂唔到，系乜嘢事情呢？呀，话俾你知啦，恰好个年系荔枝大年，荔枝果特大丰收年。咁就紧张啰个啲荔枝果掛满树枝头，真个系亭亭玉立矣！ 荔枝共芒果，随手摘成串享个嗰荔枝园个度，唔单止系荔枝果掛满树上，连果林附近个啲芒果树亦系硕果累累者已。个两样东西都可以在地上就可以伸手去摘，'无须上高落低爬上树上去矣。你话几开心几高兴呢！ 外孙随同往，指点摘荔枝个外孙佢系同埋佢妈咪，系同我哋一齐去惠东县嘅，在荔枝园佢见我哋摘茘咁高兴，咁热闹，个外孙。佢就享我哋身边指指督督，又话边度果实多，又话边度果实靓，总而言之大家都兴高彩烈，不断欢笑且矣！ 步行当心走，荔枝碰上头讲到个啲荔枝果确实唔系吓你，佢掛遍枝头向上攀登，向横伸展，仲有唔少系向下低垂嘅，总之上下左右都鲜红灿烂.就系咯。个外孙虽然个阵仲係个细路仔，人矮矮，之佢咁样在荔枝树度来回走动，都恐怕会荔枝果碰头呢！信唔信由得你！ 外孙勤传递，双手捧荔枝外孙佢为人精乖灵活，经常为人哋摘果嘅顺手拧嚟。你睇佢又试兴高彩烈咁捧一大兜矣。今次惠东县之行，不但可以见识到荔枝果嘅丰收大年，亲手摘荔枝，亲口食荔枝，我哋仲带咗唔小荔枝果返屋企，真个系满载而归者矣！ 惠东第二次，留影记诚心等我话俾你知呀，解放前由于人民生活困苦，人们都流离失所。伯父佢当年就流落咗一儿一女。个儿子庞耀佳流落至惠东当咗农民，个女儿则流落至英德黄花镇。解放后佢哋两人分别于前后寻回家乡，我哋亦先后分别到惠东或黄花镇探访佢哋。照片系我在第二次带了部分亲友，到惠东探访耀佳哥时摄嘅，咁亦起码体现一段亲情吧！ 惠东再次到，留影荔枝园个次惠东县之行，已经相隔好几年矣。今次主要系约埋一啲亲友，去探访耀佳哥，见识一下荔枝林。所以在个次旅行时间，随行个啲人，都在荔枝园嘅内内处外摄影留念。咁又印证咗一次惠东之行矣！ 堂姐返故里，亲友共相迎在解放后，堂姐庞晓先后回乡寻根，今次系佢带咗两个仔回乡，我就立即通知住在盐步嘅，佢嘅细佬庞耀华夫妻也赶回海口，大家见面倾谈。照片系在我哋屋企摄嘅，大家欢聚一堂都十分感慨当然也十分高兴！ 亲友共一桌，互相仔细谈堂姐返乡，众亲友欢迎。当然即使系简简单单，大家都到饭店食一餐。互相交流，认真倾计，乜嘢前情旧事，乜嘢心头细数，都尽情倾诉，充分体现兄弟姐妹之间嘅情深义厚！ 曾孙好精乖，合照同欢乐等我话俾你知啦，我个曾孙叫冯钧宇，大江村人。家阵年纪仲系年幼，佢个爷爷嫲嫲，同埋爸爸妈咪，经常带佢嚟我哋屋企玩。个钧宇佢虽然仲系年纪较细，但十分聪明伶俐，精乖活跃。我哋屋企个个都喜欢佢！家阵祝福佢快高长大，聪明精乖！ 左滩留倩影，后边木棉红暮春时节游左滩，半天行动半天难。电站旁边稍歇息，木棉花开向上攀。叶嫩花红半天映，树木枝头勇支撑。何时花盛无须问，百花盛放助红颜。 乖孙尚年幼，嫲嫲好开心个個细路系我个乖孙，个阵佢仲年幼，我老婆抱住佢，两嫲孙享个度吹微风，睇下个啲嘢，安安稳稳，欢欢乐乐都几开心更几高兴。家阵个乖孙己读高中，成个精壮嘅男子汉矣！ 乖孙齐欢笑，爷爷仲开心各位在照片上睇到啦，个孙仔佢举高部手机开心咁笑，佢家姐抱住佢亦开心大笑。你话我睇住咁样会唔开心？于是爷孙三人笑埋一堆。真系欢欢乐乐开心笑，高高兴兴又一年矣！ 孙仔家姐抱，嫲嫲笑扬眉乖孙佢同佢家姐钰莹，系经常玩在一起嘅。咁主要系有阵时屋企啲大人冇时间，照顾好佢哋，而做家姐嘅个阵时佢唔辞劳苦，带好个细佬，咁就两姐弟常在一起玩了。你睇下，个嫲嫲在侧边睇到都几开心呀！ 周围环境好，爷孙共欢欣个阵时，我哋一家人到深圳玩，深圳城郊原来环境系非常好嘅。你睇河水平流冇风浪，碧水蓝天少行船，草绿花红又一景，风景优雅确迷人啊！ 老人庆七十，齐唱生日哥各位大老爷你哋好！我今年已80岁矣，仲有几多年就由天公抓锁匙了。记得我七十岁生日时，各亲友请我到石湾华榕宫酒店开饭，设席十多围。照片系个阵时正在切蛋糕，班嫩仔在唱生日歌。最高个细路系我嘅外孙。仲记得起？ 西樵山水秀，夫妻情义长各位肯定都知情啦！西樵山系我哋附近嘅名山，南粤名山数二樵，咁就系西樵山同罗浮山。自古名山必有泉，西樵山嘅九龙飞瀑理所当然系唔使讲嘅。你哋睇：远山绿树连成遍，近渠啲清水自潺流。咁又试系名山一景矣！到西樵山玩梗系赏景，游览啦！ 惠东行牢记，拍照荔枝园记得我哋第一次到惠东探访堂兄庞耀佳时，正逢荔枝大年，当时摘荔枝不必上树摘，在地上伸手就可摘成串，既有荔枝，旁边也有很多芒果树，也系在地面就可以搞成串芒果了。照片系第二次到惠东荔枝园摄嘅，正系一照留存在，记得荔枝园矣！ 远望山青绿，近看水潺流西樵山：我哋已经系登临多次了，旧阵时系上西樵睇风景。乜嘢蘑菇石同无叶井，乜嘢煎焦鲫鱼及冇笃螺等等，个啲嘢也使游人迷而忘返。近啲年，则系上西樵山祭祀祖宗庞十九公，每年清明时节起码走一次。这可是铁定嘅啦！ 家乡骑牛惯，北京怯挥鞭个次系在北京公园草地上骑马，想当年自己年轻时在家乡骑牛已成习惯，可是那时在北京骑在马背上，却又有啲心惊害怕起嚟啦，更不要说进行乜嘢扬鞭策马蹄咯。 远方垂柳绿，屹立木棉红个次系在顺德左滩个度。春游大半天，稍歇再向前。遥望垂柳绿，灿烂是红棉。左滩风景好，不妨睇下先。旁边发电站，楼房紧相连，咁样又一景，左滩景连篇！ 开平碉堡楼，耸立几春秋个度应该系开平嘅梅家大院嘅地方，在个度耸立嘅碉堡楼，都唔知渡过几多年月矣！回想当年岁月峥嵘，人不聊生。一啲地方筑起咗碉堡楼，咁样无非系自保而已。当年岁月经过去，唯留此物告后人罢咯！ 前边花艳丽，身侧稻金黄个度系乜嘢地方已经唔记得咯，好似眼前系一遍花海，我哋系去赏花嘅，之身侧身后都系梯田，已到夏收季节且矣。咁就系前边花艳丽，身侧稻金黄且矣！ 群师同行动，赏析天门山个度系湖南张家界天门山，个阵时暑假大江小学啲老师到个度游览天门山凤凰城。天门山个度绿树成荫，山间草绿花红几咁艳丽，十分引人注目感想。确实系好地方，好开心！ 顺娟钱银开，共舞德天沟个度系德天瀑布，系十分有名新开发冇几耐嘅风景区。个度位置在中越边境，瀑布水流分两股，细股嘅流入越南，大股嘅流入我哋中国广西。个度水流湍急，我哋参观嘅个阵时，个天仲落紧毛毛细雨。谭顺娟同埋钱银开两老师在瀑布边度跳起舞上嚟。我同埋黄立志校长在侧边睇，咁样都几过瘾！ 老师吴淑娟，同游农科院各位：你们好！记得这次系全体老师获庞润沃先生嘅邀请，早晨早参观咗润沃佢嘅联泽果林园。并且在果林园个度食咗中午饭。下午参观南海农科院，喺院门口个度应吴老师之约，同埋佢影咗张照片。 校长招广英，家访表深情个位系村尾小学校长招广英先生，佢在村尾小学任职多年。我亦同佢拍擋好几年矣，后屘招校长被麦伟推下台，被调到古灶中心小学当教师。我同佢先后退休后，个次佢亲自嚟到我屋企探访，充分体现互相之间嘅情义。多谢招校长！ 远近天接水，畅游千岛湖个次系大江小学全体老师，畅游华东五市，搭船到杭州，路经千岛湖。在个嗰时候，远望近睇千岛湖，几乎都系天接水。在船上过咗一阵时间，同吴老师映咗个相，咁亦不过系游览千岛湖之留念罢了！ 美景千年在，顺德清晖园各位：你哋好！顺德清晖园你哋去过未呢？呀：个度啲景色真个系人见人爱，你睇下我身后园个度，绿树成荫，叶碧花红，亭台楼阁，水池假山，个度仲种咗百年银否树，享个度赏景真个系流连忘返。未去过就去睇下啦，真系咖！ 学生奖老师，千古嘅奇闻各位先生女仕你哋好！我嚟讲件事你哋听过未？咁真系：世间千般物，样样都可能者矣！乜嘢事呢？咁就系学生奖励老师，而且个学生班长冯月霞仲发送咗奖状俾我。奖状上写上乜嘢，：送给最和蔼可亲老师：我收到佢哋嘅奖状都觉得有啲愧疚，佢哋成班学生系九二年毕业嘅，多年后同学聚会请我参加。后屘向我献上红花，发张奖状。咁真系无话可说矣！ 树木成遍绿，山水自潺流各位：你哋睇下，杨燕蝶身后嘅山头挺立，山上树木葱浓成遍阴森阴凉，山腰间流水涌动，大股小股源源不断向下直流。我哋应该知道：名山必有清泉涌，峻岭难离草木荣。咁样就系山岭嘅秘诀矣！明白未？ 参观联润园，睇下农科院个日朝头早，庞润沃先生：邀请海口小学嘅全体老师参观佢在三水举办嘅联润果林园，下午大家就去参观南海嘅农科院。享农科院内外，各位老师都分别映像留念，照片上嘅系庞燕玉，谭润蝶两位老师同埋我留影而已！ 外孙仲年幼，拉住公公走！个阵时大健仲系细路仔，享我哋屋企生活咗十多年。个嗰时候我哋如果有空闲时间，就带佢去郊外活动，呼吸下个啲新鲜空气，晒下热头活跃一下身心。个日我哋两夫妇带佢去玩，大健佢十分高兴，在前面拉住我向前走，佢婆婆在我哋后边跟住尾，咁就又一次活动矣！ 留影山水绿，后边大金龙。都话咯：个外孙细路仔时，佢父母嘅工作十分繁忙，咁样大健就一直享我哋屋企生活咗都有十多年。个次带佢去边度已经唔记得了，只系个度绿树成荫，后边摆咗条大金龙。个嗰时候都应该系春节前后啩，所以既热闹就更开心咯！ 驴车慢慢走，北京圆明园记得个阵，我在村尾小学工作，个年署假老师出游却分批分路进行。我同杜杏辉江润照为一批，我带同儿子几人同到北京。个日江润照同埋我儿子在圆明园旧址个度骑驴车慢慢行。咁样就又系一次风景，一次活动矣！ 进入幼儿园，同玩几开心各位兄弟姐妹你哋好！我个乖孙佢进入嘅幼儿园，叫做童星幼儿园。佢在个间幼儿园度过咗几年，咁样睇嚟确实系唔错咖。个张照片系佢享幼儿园个阵，同埋个啲小朋友映嘅。睇嚟大家都几安乐几开心！照片中间个嗰就系我个乖孙！ 人称系肥仔，我都唔理佢我个乖孙佢哋在幼儿园个度生活，活动有规律，饮食有保障，食得好玩得好，老师比较关心佢哋，咁就会生长得快啦。有啲小朋友叫佢乜嘢肥仔，咁又使乜理佢哋呀？只要自己平平安安，快快乐乐又何乐而不为呢？ 学习有进步，学校发奖状在幼儿园过咗几年，个孙仔佢入学校读书啦。佢读书嘅学校叫海口小学，咁无非系自己乡下嘅一间小学。自己嘅爷爷嫲嫲爸爸家姐都享个间学校读过书嘅，我在个度读书辛勤努力，成绩很好。咁好快就有张奖状啦！几开心呀！ 节目表演赛，排队轮先后佢哋在海口小学仲参加过文艺节目，因为表演人多，要排队等候，咁又有乜所谓呀，只要等一阵就系嘅啦。相信好快就会轮到我哋嘅啦！ 循规蹈矩舞，表演够精彩果然冇几耐就轮到我佢哋登台表演了。佢哋表演啲同学，个个都循规蹈矩紧跟节奏，搏得到一阵阵热烈嘅掌声，咁样更激动咗佢哋，表演更认真更努力啦！最后我哋终于获得咗胜利！你哋话几开心呀！ 节目得胜利，学校奖红旗佢哋嘅舞台表演赛最终获得咗成功，学校奖励佢哋个啲红旗。佢哋揸住红旗几位同学坐埋一边享度进行议论。大家几高兴呀，兴高彩烈争相发言。咁样又系在学校嘅一次胜利，一次收获呀啩？ 参加轻劳动，种植有收获孙仔佢有时候都参加一啲简简单单嘅劳动，好似种几棵蔬菜，种几棵番茄等等。嗱：咁又有收获嘅啦！虽然只系几粒番茄仔，但咁又说明咗乜嘢呢？相信你唔系唔知道啦！ 祖庙许愿树，抛高愿望留在许愿树个度许愿，昵个系我哋附近一带嘅风俗习惯。主要当然系想求得天公神灵各方面嘅保祐，福寿康宁万事大吉而已。今次乖孙佢也循礼在祖庙个棵许愿树个度抛条许愿。咁系十分正确合情合理嘅！ 愿望高高掛，今生永安康愿望抛上树上去后，深刻地掛靠在树上，乖孙同埋同行啲人梗系高兴啦，寄望今生今世万事顺意，平平安安，快快乐乐咁生活。咁系深刻嘅愿望啊！ 生活几安乐，时刻开心笑各位：你哋好！我在幼儿园毕业之后，到海口小学读书。个间学校在我哋村个度，离我哋屋企也唔远，走路番学唔使十分钟，慢慢行都唔迟。我哋屋企啲人都十分关心我，关照我所以我觉得生活十分安乐，咁样我也就经常开心笑啦！ 细心做作业，争取好成绩各位：相信大家都懂得，大家都知道读书系要努力，系要用功嘅。所谓书读百遍其义自见咁样唔努力又点样得到好成绩？所以我每次读书，每次做作业都系认真咁样嘅，我明白亦只有咁样先能够得到各科好成绩！亦只有咁样先正系好学生！ 成绩夺优秀，奖状一大张嗱！各位你哋睇下啦，又试系奖状一大张啦！你估个啲奖状老师系求求其其咁发张俾你嘅咩？老师佢哋要睇你嘅表现，睇你嘅成绩，当然亦要同埋睇你嘅行动等等，各方面嚟评论咖！ 老师同家长，多谢勤指教话俾你哋知啦，我确实领咗好多奖状，同埋好多荣誉证书。个啲奖状证书能够嚟到我手上，我确实应该多谢老师同埋家长佢哋嘅督促同指教。享尼度我要向佢哋敬个礼。谢谢！谢谢你哋！我会更加努力嘅！ 参加做好事，荣誉有证书今次我又领到一份荣誉证书啦！到底做咗乜嘢好事？我都唔记得咯。不过冇所谓啦，做乜好事无须记`，大张证书可为凭者矣。各位你哋话啱唔啱？ 奖状一大把，年年都发市各位：你哋好！你哋可以睇下，个度墙上贴满晒个啲奖状。个啲奖状一可以说明系多，读书咁耐年年都发市收奖状，二系个啲奖状五花八门，佢个度乜嘢内容都有，成绩奖，荣誉奖，表演奖，讲都讲唔晒。不如你自己嚟睇下啦！ 抽空游郊外，景点几丰盈我家阵读紧中学啦，有阵时都会抽时间到郊外游一下嘅。咁样可以开阔一下眼界，增长见识。又可以呼吸新鲜空气，活跃身心，同时促进对一啲事物嘅认识算系有百利而冇一害啩？你话呢？ 岁月长增长，光阴不等人各位：你哋好！睇我嘅照片失礼晒矣！我家阵读紧中学，却已身高体长，在我哋屋企，包括姑妈佢哋，我系身体最高嘅。我中意打篮球，有啲空闲我又试去打球，时时都系咁样。你哋话咁样好唔好呢？ 大富村学生，光临我屋企一九八八年，我在大富小学教六年级，部分学生嚟到我屋企，登上咗个嗰狹窄嘅小阳台，师生共同登高眺望，摄影留念，佢哋班学生中大部分系班干部，后屘仲有读咗师范做咗老师嘅。咁确实系值得记念且矣！ 水厂美景点，学生细参观今次带大富学生去活动，系去参观佛山市自来水厂。水厂在东平河边靠近我哋海口村，前些时候我在海口小学执教当校长，也曾带海口学生到水厂参观，由于我昰海口人，而且在学校当校长所以我同当时水厂管理人嘅关系唔错。今次带大富学生去参观也就顺理成章者矣！： 池水澄清绿，平静映蓝天水厂个度个水池个啲水碧绿澄清，与天上嘅白云蓝天互相晖映，咁样就更显得佢独特一格者矣，而个啲同学见咗，好多人都赶紧过嚟摄影留念。 树绿高楼舍，水厂面貌新水厂个度嘅环境，虽然唔似其他景区咁样，各种景点五花八门，之佢干净企理冇手尾，毕竟佢系供应佛山市民嘅用水嘅，咁干净清洁就确实系重中之重了。 水厂难常到，映照也留念各位大家好！大家都知道水厂系乜嘢，地方，在个度，并非系边个人都可以何时何刻，随心随意就能够进内参观游览的。如今在里边可以睇到佢嘅景点确有佢自己嘅特色，而既已入内点解唔趁机摄影留念？于是大家便都纷纷拍张照片留存落嚟者己！ 水管频吐水，树茂鲜花红水厂嘅景点虽然唔似乜嘢公园，乜嘢会所等五花八门，但他亦有佢自己嘅特色，你睇个边绿树成荫，那边却又草绿铺遍地。主要系干净清爽，个嗰要求系大家都知道嘅啦！水厂特色难尽数，唯求各位尽知情就系咯！ 桂林甲天下，漓江搭船游大家都清楚咁知道，桂林山水甲天下，漓江河水半桂林。个阵时，大富小学老师游桂林，大家搭上漓江河上嘅船，直落阳，在船上，大家都只见漓江水面碧绿澄清，两岸奇山峻岭，都好开心，好高兴！ 搭船漓江水，大富村老师各位你哋好！等我话俾你哋知啦，个次大富小学啲老师游桂林，翻过山越过岭搭过船，老师们有阵时集体行动，有阵时又分散参观。都唔知几开心几过瘾，总之系难忘呢次游桂林就系咯！ 云南石林边，老师影留念个年署假，村尾学校个啲老师到云南旅游，云南地方咁大，景点咁多又点样游点样行呢？只好约略谂一谂游云南石林前后矣。游览石林前，大家在外边映相留念，个张照片就系在石林边个度摄映嘅。冇讲大话咁系真真正正嘅！ 村尾众老师，云南大观园之又系啦，在云南个阵时我哋成班老师仲参观咗大观园。在入园参观之前又系在门口映咗张照片，个次又系真嘅，照片上仲有大观园个几个字呢。咁可以作为实物证据亚啩？ 海泳迎巨浪，上川岛海边个次村尾学校啲老师到台山游览，行至上川岛附近时，有人提议游海水泳，咁样当然有人响应，于是几位老师相继落海边游水。个阵时一个大浪迎面而嚟，都米话唔失惊劳神者而！不过又觉得好过瘾好开心！真个系：初游海水泳，几多事新奇！ 上岸细倾计，老师陈继棉个次游海水泳，我同埋陈继棉老师都有份，亦都系初次尝试。两人上岸后在沙滩个度窃窃私语，倾吐自己嘅感受。其实无非系一次游泳，个件事又使我哋真系难忘者矣！ 互相细倾谈，姐弟表情深各位：你哋好！讲到我俩个乖孙，莹莹同埋细佬嘅姐弟之情，确实系使我十分开心，十分高兴嘅。咁主要嘅系作为自己系家姐嘅莹莹，佢平时都比较关心个细佬，特别系年纪较细嘅时候更系如此矣！ 姐姐好细心，为细佬梳痒个家姐关心细佬，有照片事实为凭。你哋睇下先啦，当时佢俩姐弟都系年纪轻轻，个细佬话个好头痕，于是个家姐就帮佢梳痕，你哋话啦，咁系唔系表明个家姐关心个嗰细佬？ 家乡骑牛惯，京城怯挥鞭个阵时，在北京说系学人骑上马，点知心中却胆怯，根本不敢挥鞭奋马蹄矣。其实在自己年轻或年少时日，家乡各生产队都有几头水牛，当时在小山丘上放牧，多时有骑牛玩耍，或捡拾水牛屎回家晒干当柴烧。正所谓往日事情不足记，留意今日怯挥鞭矣！ 德发冯万祥，小满陈继棉上世纪一九八七年，我有个学生在北京公安大学上学，当时我哋部分老师到北京学习，在那位学生的帮助下，我们有幸可以进中南海参观。我们游览了瀛台半岛，还在清水桥头摄影，我们留影的位置背后是毛主席的故居丰泽园。 生物小百科，五年一等奖当时，石湾区在各学校设立一个叫生物小百科嘅奖项，全区各校每个班级都可以申请。佢嘅具体要求系不管手功制作，定系劳动种植等项目，只要符合条件便可获奖。条件主要系有过程记寻，有具体嘅照片，有个两条，项目失败亦可申请获奖。我哋个阵在村尾一个班级执教连续五年申请五年获奖！ 盆栽西红柿，栽种操场边当时我哋班级搞的项目，主要有刺绣，各种种植，种植有盆栽番茄，小米，高粱等等。种植嘅种子，让在北方读书或工作嘅往日的学生邮寄回来，每样种子无非几十粒就可以咯。当时我哋种植个啲植物，有啲好多人都未见。特别系棉花嘅植株，有啲学校专门组织学生嚟参观。个阵时我哋啲学生几高兴啊！ 南方新面孔，小米共高梁在种植项目时，专门安排学生进行记录，我自己负责摄影。因此我哋啲项目连续五年获一等奖，班级连续获优秀少先队中队，先进班级，我也多次获优秀班主任。我连续执教嘅几个班学生都很高兴，后屘因故不搞了也不要提了。咁样这也算系一次活动嘅始终也罢？ 天门山栈道，老师健步行个年署假，大江小学嘅老师在吴洁心老师嘅带领下，大家游览咗天门山再去凤凰城，个次旅游我带同女儿同埋个外孙一齐前去。尼张照片系于天门山嘅栈道上摄嘅，可以睇到大家都十分开心十分高兴！ 凤凰城菜点，塘虱共田螺记得个次游览天门山之后，嚟到咗风凰城。凤凰城景点丰富，各位老师于是各'美景各自赏。我哋几个人在饭店开饭，菜点主要有塘虱田螺等有当地特色嘅菜点。不过正所谓人离乡贱，物离乡贵。在个度五角钱可买一堆猕猴桃，而当时在佛山五元钱三个！唉！咁样又上咗一节购物课矣！ 各位都知道，凤凰城城里城外嘅景点良多。各位老师都分别寻找自己感兴趣嘅去观赏。而今次随我去旅游嘅外孙佢揾到嘅竟然系沱河边个度，个度大把嘅吊脚楼。各位可以从照片上睇到，个啲吊脚楼确实颇有特色。唔错啩？ 各位你哋睇下，个度唔惠东啦，而具体系边度咁就唔清楚咯。只系睇到：树上枝头荔枝红，纷争躲藏入叶丛。荔枝入口甜爽滑，食罢又食几从容。咁高兴嘅啩`？够开心呢？ 西樵山健步，半途稍歇息个日，我哋老志嫩嫩男男女女众亲友游西樵山，大家都知道嘅西樵山上遍布景点，大家行下睇下，西樵山高坡矮丘，大家上上落落一阵便有啲劳累，几位女亲友就在途中稍歇息。个度位置唔错，上有大树遮阴，下有石板方便坐，望前睇后景色又都唔错。总之享个度坐坐都几开心！ 鼎湖山湖水，山泉水倾流鼎湖山离我哋佛山稍远一啲，个阵时署假，村尾学校组织老师游鼎湖山。鼎湖山个度有个飞潭瀑布湖，水流从半山石隙中长驱直下，气势强劲，周围石头绿树成荫，真个环境很好。几位老师在个度摄影留念，亦系唔错嘅选择啊！ 鼎湖山泉水，溪谷半潺流个阵时，我哋全家老幼游鼎湖，鼎湖山泉在山脚婉然流过，个阵时系夏天比较炎热，清凉嘅泉水吸引咗唔小游人。莹莹母女便也在泉水边浇水花。咁又系几开心几过瘾嘅一幕啊！ 鼎湖山绿树，半山遮阴凉鼎湖山风景优雅，绿树成荫草绿花红，山势峻峰系个观景嘅好地。个次游鼎湖山，因为仲系天热，莹莹母女便在半山腰树阴处稍息吹吹风！ 云南石林景，村尾李春凡个阵时，村尾小学嘅老师署假到云南旅游，大家都在云南石林嘅里里外外摄影留念。照片系我同埋李春凡老师拍嘅，个度虽系石林外景，到也绿树成荫，草绿花红，真系别具一格！你话系'唔系呢？ 农科院留影，都曾大江人记得个阵时候，庞润沃先生请海口小学啲老师，去佢嘅联润果林园参观，午餐也在联润园开饭，之后去参观农科院，在农科院门口，几位老师合照留念，个几位老师当年都曾经在大江小学任教，今日相逢，追忆往昔日旧事，咁就高兴合照矣！ 西樵四方竹，观景又一方各位：南粤名山数二樵，西樵山系二樵之一同罗浮山齐名。西樵山美景众多，个啲游人确实迷而‘忘返。乜嘢蘑菇石同埋无叶井，乜嘢冇笃石螺以及四方竹等等都名噪一时。你哋可以睇：照片上嘅竹林就系四方竹矣，佢四角分明，故称四方竹真系名实相符者矣！ 堂姐回故里，众亲聚欢欣个日，堂家姐庞晓带咗两个儿子，从英德黄花镇返回家乡，我哋家各亲戚朋友都来'迎接相聚。并且到饭店进行午餐。 堂姐返故里，合照各姐弟庞晓堂姐在饭店午餐后，各堂兄弟姐妹坐在一条板凳上合照。佢哋当中有啲已经嚟几十年初次相逢见面矣。大家都十分感慨，当然也十分高兴。