<p class="ql-block"> 鹅（我）在写老里八早（过去）额（的）日常文章辰光（时候），感觉就是畀（把）自介（自己）额（的）记忆大门打开来勒（了），此刻，记忆额洪水泛滥成灾，挡嚡（也）挡勿牢，只能随便让葛些（这些）漂流。</p> <p class="ql-block"> 文化大革命开始辰光（时候），阿拉葛些小举头（我们这些小孩）呒（没）撒（啥）物事（东西）好白相（好玩）噶（助词），只能白相拿泥（泥土），就是用捻凿（锣丝刀）在地高头（上面）挖洞洞眼，用阿拉闲话刚（讲）叫挖地道，到勒喫（音切，吃）饭辰光，姆妈（妈妈）会在窗口头（助词）乱叫：“快点死回来，切（吃）饭勒。”</p><p class="ql-block"> 听到姆妈叫声，鹅马上畀捻凿塞进裤子袋袋里头，来煞勿急（迫不及待）回到屋里厢（家里）准备喫饭。</p><p class="ql-block"> “侬又白相拿泥勒，为撒道理（为啥）侬勿听闲话勒，侬要晓得拿泥老龌龊（很脏）噶（助词），切（吃）到肚皮里头（助词）会肚皮痛，到辰光呒没（没有）钞票畀侬起（去）看毛病噶。”姆妈会站在门口头，见我手上粘住交关（很多）拿泥，老（很）凶额对鹅刚，随后降低声音继续刚，“先汰手（洗手）汰面（洗脸）起（去）。”</p> <p class="ql-block"> 老早（过去）额屋里厢呒（没）没自来水噶，姆妈每天早浪向（早上）会到供水站用铜细（钱）起买清爽（干净）额水，在用铅桶（用铁皮做的水桶）畀水挑回来倒在水缸里厢（里面），要用水额辰光，就用铅皮做成额舀水瓢子畀水舀进面盆里头打手，老泥腥（很脏）额水就洒在门口头外面，因为搿辰光呒没下内管，泱沟洞（下水道的洞口）离屋里厢老远噶（助词），平时汰蔬菜后额水倒在铅桶里头，随后统一倒入泱沟洞里。</p> <p class="ql-block"> 而姆妈趁鹅汰手额辰光，已经畀饭盛好勒，饭是盛勒铁皮小碗里，勿怕摔坏脱勒（不怕摔坏），格（这）辰光额陶瓷碗勿是稀有物事（东西），基本上到了过年侪会起买几只陶瓷碗，过好年就会囥（藏）起来，放到下一次过年再用，如果勿小心碗打坏脱勒，就将坏脱额碗放好，等修补碗匠额宁在兜生意辰光，请补碗匠修补，修补额铜细只要几分，而买只新碗要几角勒。</p> <p class="ql-block"> 一筒（个）家庭自然有一筒家庭额烦恼，阿拉屋里有兄妹几箇宁，台子高头（饭桌上面）只有两碗素菜，营养成分肯定达勿到噶，而吃额米侪是洋籼米，烧出来额饭口味勿好，嚡老硬噶，唯一好处是涨性蛮好，价细嚡比大米便宜，而阿拉姆妈是在里弄小组（居委会办的加工场）做生活（工作），每箇号头（每月）只有27块9角，伊烦恼就是口袋里铜细勿多，每天要为三顿饭动足脑筋。</p> <p class="ql-block"> 有宁（有人）刚上海宁欢喜喫泡饭，搿（这）是瞎刚（胡说）；所谓额泡饭就是昨么子（昨天）夜里向（晚上）剩下来额饭，嚡叫隔夜饭，就是要用开水泡一泡，如果勿够热就泡第二次，条件好点筒宁家（人家），过泡饭额小菜（吃泡饭时的小菜）是咸蛋，阿拉屋里厢条件勿好，只有到勒礼拜天，侪（才）会买4分加上半两粮票额一根额油条，畀油条切成一小段放勒碗里，再用另外一只小碗倒点酱油，喫小段油条时蘸上酱油就放进嘴里头，葛种（这种）香味让宁一辈子嚡勿会忘记特（不会忘记啊）。</p> <p class="ql-block"> 以载（现在）想到小辰光喫油条额事体，油条额香味扑面而来，忒（太）难忘勒。</p>