2022.8.7 浦东美术馆

支抗

2022.8.7，晴，最高温度四十度。今年夏天暴热，连续高温超四十度。一直关了屋里孵空调，辰光一长心里就老想着跑出去拍照。寿朋友网上捉进只尼康500mm折返镜头，许总也动心了，所以事先约好礼拜天下半日先到星光器材城碰头，看看还有啥巧货可以弄进。然后杀到大宁公园去拍夕阳荷花……。早上气象预报一听，又是四十度啊！想想下半日辣花花呃太阳下头……，咳！算了算了，还是身体要紧。但是星光还是要去呃，照片还是要拍呃，于是改变计划，到黄浦江边上大烟囱（上海当代艺术博物馆）去。啥人晓得车子开到博物馆，连只停车位也寻勿着，也勿晓得博物馆里厢今朝是啥展览，噶热门啊？格么调枪头呀，结果商量下来翻过南浦大桥，到陆家嘴浦东美术馆。停车位还是难寻，兜了两圈才停当。美术馆里倒是人勿算多，不过放眼看出去，看客以俊男靓女居多，阿拉格排老头浜属于凤毛麟角了。

犯了几个低级错误，有焦点勿准，有微动，最要命呃是RAW格式呒么设置好，导致后期处理受到了局限。

富士50R相机，转接佳能24移轴镜头。