生日快乐

小满

此刻当然最重要，每天都做开心人

我叫庞卓轩，每年嘅今天，都係我嘅生日。嗰一日我啲同学、亲戚朋友佢哋都嚟庆祝，祝贺。所以我谢谢大家。非常感谢大家嘅捧场。

晶莹蛋糕多利是，进步平安心事成

今年嗰啲蛋糕有两份，呢一份系榴莲蛋糕。上边有个球，周围好多水果同埋利是。噉就係今年做乜嘢都利利是是。

熊猫蛋糕别有样，黑白分明最清甜

呢一份蛋糕係黑白分明嘅，上边嘅其他各种零食比较多。仲有各种各样嘅装饰物。佢係叫做熊猫不走蛋糕。

滿台零食齐准备，迎接前来祝贺人

今年招待同学，同埋朋友嘅零食比较多。有油炸鸡翼、肠仔，鱼肉丸。饮料嗰度有冰红茶，仲有菊花茶噉样。嗰啲鸡翼係我自己亲手炸嘅，嗰啲肠仔同埋肉丸，我亦有份将佢哋煮熟。

竹签塑碗整定晒，等阵食嘢咪匆忙

枱面上摆满晒嘅东西，食嘅都係油炸或者係蒸熟煮熟嘅。大家可以放心食用。饮嘅佢本身有吸管。饮乜食乜但凭君所好就係啦。

小学完成将毕业，今岁梗係胜利年

我今年已经係六年级学生喇，好快就要考试升上初中。家阵我比较喜欢打球，锻炼下身体梗係有好处嘅啦。

结伴同行三兄弟，得闲时间去打球

同埋两个堂细佬係疏堂兄弟。今日生日，首先招呼嘅，肯定係佢哋两个细佬啦。旧阵时人家都讲嘅，打虎不离亲兄弟，上阵不离父子兵。开始切蛋糕时我换过件衫先。

招呼同学大件事，理所当然自己黎

明天庆祝生日，有啲同学、朋友佢哋话前来高兴下，咁梗係好啦！不过，我自己都要做的准备先。咪到时候匆匆忙忙，乱晒大龙。

先斟水黎洗净镬，循序渐进咪匆忙

做乜嘢呢？人哋都话：民以食为天。个啲同学朋友黎到，食，梗係自然而然係少不了嘅。咁样就先搞食嘅先係啦。

然后一声拍着火，不沾锅度少放油

入得厨房出得厅堂係人们最低嘅要求。我虽然唔会做乜嘢，但係尽量减少妈咪佢哋嘅工作，係需要嘅。反正係为生日做准备工作。于是我就试下先煎鸡翼。

鸡翼逐件轻放落，火苗收慢咪煎焢

我煎鸡翼都唔係第一次嘅喇。对于点样放油，放几大嘅火候， 就系嗰啲诸如此类嘅东西以前都试过。所以今次煎鸡翼都算係驾轻就熟嘅喇。

一边煎熟快翻转，镬气沾黃逐件黎

我觉得煎鸡翼最紧要嘅係将佢煎熟，仲有係唔好俾佢煎窿。所以唎啲嘢係要认真对待嘅。唔好求求其其算数，马马虎虎係冇好嘢出嘅。

鸡翼已闻喷香味，今番下厨快成功

冇几耐嘅时间，嗰啲鸡翼一件一件已经基本成熟喇。睇见佢哋发出嗰啲金黄色，一件一件咁发出咗香味。我连忙见熟嗰件夹起嗰件。

你睇成碟煎鸡翼，油润纯香确誘人

确实係冇几耐时间终于大功告成。你睇鸡翼嗰啲香油滚热辣，颜色都唔错啩。你睇见嗰碟鸡翼係唔係流口水呢？鸡翼就有一大碟，足够同学慢慢叹。

老师讲课有情趣，听起上嚟笑微微

作为一个学生呢，唔单止识玩识读书识学习，最紧要係上课要专心听讲。今日老师讲课好有情趣。听到我都笑微微喇。

同学光临庆生日，互相招呼一齐嚟

好多同学，佢哋陆陆续续前嚟参加我嘅贺礼。佢哋有本乡本土嘅，亦有係外省嚟嘅。噉就应该係：同学老友一家亲，无需拘束扮斯文。外省本乡人都有。正式五湖四海人。

同学朋友陆续到，蛋糕已经摆上台

好多同学，佢哋陆陆续续前嚟参加我嘅生日贺礼。仲有几个因为要在学校值日迟一啲嚟。佢哋亦已经手机电话联繫，好快就会嚟到。

嗰度啲嘢好奇怪，等我埋嚟睇下先

嗰个同学见蛋糕上面嘅装饰物有啲新奇，于是走埋去掀起佢睇下，到底係乜嘢东西。

做人应该守规矩，何必如此胡乱嚟。

旁边旁边嘅呢两位同学就睇住佢。见佢喐手喐脚，都觉得好唔係路数。但係又唔方便向佢提出乜嘢意见。只好企埋一边只係望住佢沉默不语。

分切蛋糕你点谂，一齐嚟唱生日歌

呢个同学就走埋嚟问我，下边准备点样嚟到开始生日活动。我就讲梗係大家一齐唱生日歌啦。呢个係大家都明白嘅老规矩。

蜡烛明亮意头好，丁财富贵福寿全

于是大家都围起上嚟，我先点上咗蜡烛，再许个咗心愿。身体健康，万事胜意。同学朋友们就立即齐声高唱生日歌。

收拾各种装饰物，立即动手切蛋糕

大家唱完生日歌之后，我开始切蛋糕。基本上先係每人安排一小碟。大家离开桌面到周围坐下，之后开始慢慢品尝蛋糕。

台面周围有苹果，歌声刚停切蛋糕

我开始切嗰啲生日蛋糕嘅时候。同学们佢哋大家都分开喺旁边，坐咗落嚟。一边望住我一边等食蛋糕。蛋糕盘周围有几个苹果，噉就係意味著平平安安，有好嘅结果。

蛋糕各人一小碟，理所当然先品尝

分派每位同学一人一小碟蛋糕之后，我自己也开始品尝。正如俗语所讲。主不试客不尝。呢个係规矩，也係天公地道嘅。

入口清甜係好嘢，随心品味乐欢欣

嗰啲蛋糕果然真係唔错，首先係味道香甜，甘香爽滑，同学们个个都食得津津有味。我当然就梗係好高兴啦。

有人影相冇紧要，大家开心贺生辰

嗰两位同学佢知道。嗰个人攞住部手机梗係嚟同我哋影相啦。佢好似对住我哋，噉都唔使惊，由佢影啦。反正开开心心又今日，欢欢喜喜贺生辰。

大家嚟食咪拘论，蛋糕爽滑够香甜

既然大家都係嚟恭贺生日嘅，噉就冇乜必要扮斯文喇。总之慢吞慢嚼可以，狼吞虎咽噉亦无所谓。

捧住蛋糕来品味，无需议论更多言

总而言之就随你所好。反正无非係为咗高高兴兴噉庆祝一场。呢两个细路女都几斯文架。沉默不如慢慢吞食。佢两个係我嘅表妹。

清凉饮料同肠仔，随心所欲顺自然

呢度就唔同喇。饮嘅、食嘅、唔出声空闲坐喺度嘅。总之係各式其式。凭君所好就係喇。

有冇我啲心头物，推架车仔慢慢行。

举办生日庆祝之前都係要准备嘅。商场裏边咁多嘢，招待同学同埋朋友，梗係先睇下有啲乜嘢饮料先啦。好似菊花茶、冰红茶、仲有雪碧等等。嗰啲都係大家经常饮嘅，理所当然拣一啲啦。

嗰边啲嘢几过瘾，等我停低睇下先。

饮嘅当然少唔到。食鸡翼係要挑拣。不过食嘅嗰啲多数都要返屋企蒸蒸煮煮，煎煎炸炸。噉先正係可以入喉咙嘅。

食嘅饮嘅佢都有，虽然唔多也顺心。

东选西拣行咗一阵间，总算係买乜嘢都心中有数。再返转头收咗落个小车仔嗰度。虽然物品唔算多，但係基本都合我心意。

执齐啲嘢返归去，等阵畀钱就鬆人。

执齐啲嘢就准备走喇，当然最紧要係仲要畀钱。噉就係挑来拣去无非一阵间，等阵畀咗钱就返去归。

我非厨师也炒菜，执铲加油慢慢嚟。

返到屋企就入厨房炒菜。我虽然唔係乜嘢厨师，但係揸镬铲炒菜都已经唔係第一次嘅喇。点样打著个火炉，赖啲生油之后慢慢煎，嗰啲几乎都已经係习惯咗嘅喇。。

炒蛋三下五落二，见火就熟悭功夫。

炒鸡蛋就梗係容易啦，慢慢地火，多啲反覆转嚟转去。确实鸡蛋係比较容易熟嘅。所以无非係三几下手脚就完成啦。

炒好一碟荷包蛋，金黄纯熟好香浓。

炒好嗰碟荷包蛋，虽然平铺直坠一大块，但係你睇佢色香味俱全。冇煎到佢夹生，亦冇煎到佢发窿，咁睇起上嚟应该唔会失礼你啩。

炒完鸡蛋还仲有，拍着火苗又再嚟。

煎完鸡蛋又再煎鸡翼，嗰个不粘锅好似唔得闲喇。我揸住个镬铲慢慢转。一件一件将佢煎香，煎熟。

入得厨房要动手，识饮识食冇求人。

入厨房煎嘢，虽然係要花时间。但咁样亦係自己学嘢嘅时候。只吃唔做懒动手，噉递日大个咗就真係乜都唔会做啦。噉有乜嘢好处呀。

自己买嚟自己炒，放开喉咙一扫光。

既然係生日招待同学朋友嘅食品，我觉得煎鸡蛋唔係几好。于是我哋屋企人就先食咗佢。所以庆祝生日嗰啲食品嗰度就冇鸡蛋啲一味喇。

一碟鸡翼配鸡蛋，茶楼开价16元。

为咗庆祝我嘅生日姑妈带埋我到西餐店食西餐。大家都睇到嘅啦，一碟煎鸡同埋鸡蛋係16蚊。

有得食就唔理佢，拎刀拎叉一齐嚟。

冇所谓嘅啦，食西餐梗係刀刀叉叉一齐嚟啦。不过我哋中国人仲係要加多一双筷子。有啲嘢用刀叉搞係唔方便嘅。

嗰嚿鸡翼香喷喷，睇起上嚟几顺喉

好啦，开始食喇。用叉叉住佢，再用刀嚟割。嗰嚿煎鸡都唔错。睇起上嚟佢亦係色香味俱全。

味道如何咪计较，先嚟最紧食啖先

切咗一嚿叉一嚿，嚿嚿轻鬆送入喉。成碟煎鸡慢慢食，食完美后再从头。食西餐有时候都确实係几过瘾嘅。

前后摆上好几碟，风卷残云一扫光

好啦，姑妈佢哋已经食完喇。我亦风卷残云噉食得差唔多喇。仲有些少手尾就等我一阵慢慢收拾啦。

原来仲有牛肉丸，一义两个算斯文

响屋企庆祝生日嘅时候。呢个食到佢笑口噬噬。咁梗係啦，成班同学仔，平时走埋冇乜两句，高高兴兴咁样倾下偈。今日响度你望我，我睇你，都觉得几过瘾。

睇住同学慢慢食，大家高兴我开心

满台食品任君选，长短肥瘦都备齐。简单饮料有几样，未知嗰啲东西是否合你心情？睇住佢哋饮嘅食嘅，大家咁高兴，我亦好开心。

蛋糕之后多零食，品清味道咪匆忙

嗰啲肉丸果然好味道，食肉丸比食鸡翼，同埋肠仔更过瘾。一啖一粒麻麻地，一啖两粒仲销魂。

选饮择食随君好，我自低头睇手机

嗰啲同学咁高兴，我在一旁睇手机。蛋糕肉丸我都食过，嗰啲肠仔亦唔算得乜嘢。让同学们自挑自选，我唔理佢哋咁多喇。

乜嘢好味君知否，大家提出有商量

嗰啲肠仔等等已经食咗唔少喇。冰红茶菊花茶亦差不多饮乾净。咁大家话边啲东西最好味道呢？做事有商有量，师姑都会变和尚。

生日几时轮到你，学习榜样在当场

生日生辰人人有，几时到你话我知。发动同学来庆贺，衷心祝愿够意思。明年升中分开晒，难再大家同一班。

红茶饮咗唔会醉，鸡翼煎香话你知

几年同学是死党，同玩同行同读书。你我心情多知晓，无需隐瞒呃住人。有乜心事铺开晒，大家同学都知闻。

饮茶食肉关已过，无需反復问谁人

拣饮择食自己事，卓轩同学已尽情。乜嘢要求请提出，下边开台打牌要搵人。饮完食罢无需问，一齐开台先过瘾。

台上啲嘢差多少，下边打牌跟住嚟

台上啲嘢剩唔多，纸盒垃圾半竹箩。跟住打牌边个玩，咪黎响度夹硬拖。嗰笪地面好乾净，洗洗抹抹胜当初。

大家先搵地方坐，准备埋围拼一输赢

打牌大家坐嘅位置，首选自然係地板啦。平时我哋成班友仔经常到庞卓轩屋企。打牌嘅时候，就係噉样嘅姿势。所以呢个係无需多考虑嘅。

都係同学兼好友，嗰啲情况话你知

呢啲等我话畀你知，今晚参加呢个生日宴会嘅，其实大部份都係我啲同学。呢个情况你係知道嘅。仲有两个係我嘅表妹，两个堂细佬。

冲锋一轮消灭晒，风卷残云淨无多

同学们食蛋糕、食肠仔、食鱼丸、食鸡翼；饮冰红茶、饮菊花茶。大家又饮又食，一轮冲锋扫荡之后，枱面上啲嘢真係所剩无多喇。

两位迟来因值日，坐埋一边慢慢吞

大家食完饮完之后。于是坐在地板上进行打牌。有两位同学因为值日所以迟到，幸亏电话联繫，知道佢哋可能迟嚟。食嘅饮嘅基本上都为佢哋有所准备。

大家摊地来打牌，巧施妙计定输赢

大家食完饮完之后。于是坐在地板上进行打牌。今日嘅生日庆祝活动，大家有得食，有得饮、有得玩，咁样真係何乐而不为呢。

同学打牌用脑力，我坐一旁玩手机

本来我都想参加打牌嘅，毕竟大家高高兴兴，几咁过瘾啊。不过由于人手配备问题，如果我参加打牌，咁样就有一个同学冇得玩。所以我只好让佢哋玩打牌，我自己玩手机。

打牌最紧要正确，奸邪出术乱晒笼

同学们打牌係要循规蹈矩，老老实实不可能乜嘢出猫。反正係牌张定输赢，又唔係乜嘢赌钱，所以要忠诚老实，唔好拗数。

我嘅奖状年年有，从幼儿园到六年级

嗰啲奖状年年有，从幼儿园到小学六年级，确实年年都发市。今年又试走上咗领奖台。

有得奖就係胜利，唔管佢係乜名堂

进入小学一年级之后，一年换咗几个班主任。其他老师亦有调动。但係我嘅奖状都有得发。咁应该係唔错嘅。

有份证书心欢喜，幸冇辜负少年时

人生世上几多事，回想起黎忆旧时。咪话当年细路仔，乜嘢最重铭心头。无非係嗰啲突出嘅好事丑闻，个啲嘢相信真正係沒齿难忘嘅啦。

老师家长敬个礼，谢谢你哋多关心

我能够获得嗰啲乜嘢奖状、证书，完全係老师家长嘅培养同埋关心。冇佢哋嘅督促、关怀、照顾，我真係恐怕会一事无成。所以向佢哋敬个礼，表示深深嘅敬意。谢谢佢哋！敬礼！

大愛同心发奖状，记得当时一六年

记得当时係表演节目嘅，由于同学们训练认真，表演时也能全心全意，结果获得咗优胜奖。并且仲颁发咗荣誉证书，你话我哋几高兴呀！

多谢老师嘅培养，多谢老师嘅关心

唔理佢係乜嘢名堂。总之有得奖就係胜利。起码在个一方面老师係肯定咗我。谢谢老师嘅关心。谢谢老师嘅培养！

奖状证书年年有，逐张贴咗佢上墙

嗰啲奖状从幼儿园到小学六年级，确实年年都发市。虽然名堂有各种各样，不过，唔理佢咁多乜嘢，起码係得到老师肯定。反正奖状唔係人人有，收到去归贴上墙。

庆贺生日年年有，欢天喜地又重嚟

人人生日年年有，各位回家慢慢走。待等以后生日到，再搵大家嚟开口。多谢各位多畀面，开心快乐此时候。今年我哋升初中，大好前途铺锦绣。谢谢各位！谢谢！

今日学人话耕种，成班男仔去拉犁

已经是二０二二年六月，我哋到咗芦苞嗰度学耕田。有啲做拉犁，有啲做扶手。大家齐心合力，响嗰块田嗰度学耕种，铁犁插得太过深，前边啲同学几乎拉唔喐。

用力拉犁齐动手，前拉后推咪执输。

读书人仔讲诗篇，耕田人仔讲时年；僦仔姑娘讲喂奶；家阵细路学耕田。铁犁插入深泥土，尽力拉绳难向前。田泥不是太坚硬，赤脚踩落软绵绵。

若问耕种做乜嘢，首先应该係插田。

此时恰好艳阳天，去到芦苞学种田。陆树迎风频摆动，成群树木地边缘。大家赤脚田中去，隻手掹秧好自然。规格如何君莫问？总之劳动信心坚。

横平竖直人家讲，我哋禾苗入土先。

做农民係比较辛苦嘅，面朝黄土背朝天。灌水耘田除稗草，施肥还有灭害虫。今日开心嚟插禾秧，递日割禾丰收年。边阵割禾唔知道，总之开心话插田。

都话梳羌大块肉，今时梳禾大把谷

梳姜大肉人家讲，疏禾大谷几多年。禾苗棵棵戙笃企，距离多少自有缘。秧苗种子唔知道，横竖直行冇宣传。细株密植应该讲，係咪丰收等开鎌。

欢欣生日年年有，丁财两旺五福全

今年又到咗生日嘅时候喇，所谓係：欢庆生日年年有，丁财两旺福寿全。为咗庆祝生日，订购咗蛋糕，大家都非常高兴。