<p style="text-align: center;">མེ་ལོང་ངོགས་ཀྱི་ཁྱེད། </p><p><br></p><p>མེ་ལོང་གོར་གོར་དེ་མཚེའུའི་གཟུགས་རིས།།</p><p>མགོ་བོ་ལྕོག་ལྕོག་དེ་མཚེའུའི་རླབས་རིས།།</p><p>བསིལ་རླུང་ཤུར་ཤུར་དེ་དལ་གྱིས་ལྡང་ཚེ།།</p><p>སེམས་པ་ལྷོད་ལྷོད་དེ་དལ་གྱིས་འགུལ་ལམ།།</p><p><br></p><p>རྒྱང་ལམ་རིང་རིང་གི་བར་དུ་བཅད་པའི།།</p><p>གམ་འགྲོས་ལྡེམ་ལྡེམ་གྱི་རྒྱང་བཞུད་བུ་མོ།།</p><p>མེ་ལོང་ཆུང་ཆུང་གི་ཟུར་ཁ་དེ་ན།།</p><p>སུ་ཞིག་མདོག་མདོག་གིས་ཙོག་པུར་བསྡད་ཡོད།།</p><p><br></p><p>ཆར་བ་ཤག་ཤག་གིས་སྡོང་ལོ་འཁྲུད་དུས།།</p><p>མཚན་མོ་རིང་རིང་གིས་སྙན་ངག་གྱེར་རམ།།</p><p>རོལ་དབྱང་ཧྲུལ་ཧྲུལ་ཞིག་སེམས་ལ་འཐོར་རམ།།</p><p>སེམས་བྱུང་ཐན་ཐུན་དེ་ང་ལ་དབང་ངམ།།</p><p><br></p><p>སྡོང་ལོ་ལྷབ་ལྷུབ་ཏུ་རླུང་གིས་གཡོ་དུས།།</p><p>ཆར་བ་ཤག་ཤག་གིས་སྨྲེང་བ་འདོན་ཡོང་།།</p><p>སེམས་སོང་གཅེས་གཅེས་ཀྱི་ན་མཉམ་བུ་མོ།།</p><p>ད་ལྟ་གང་གང་ནས་བདེ་བར་བཞུགས་སམ།།</p><p><br></p><p>གཤོག་སྟེབས་མྱུར་མྱུར་གྱི་ཕྱེ་ལེབ་ཁེར་རྒྱུ།།</p><p>སེམས་པ་ཐར་ཐོར་གཏོར་བྱེད་ཡིན་འགྲོ།</p><p>མེ་ཏོག་ཚོམ་ཚོམ་གྱི་འདབ་མ་གྲོལ་དུས།།</p><p>གཞིས་ཀྱི་མ་མ་ཡི་ལང་ཚོ་དྲན་འོང་།།</p><p><br></p><p><br></p><p style="text-align: right;">འབྲོག་པ།</p><p style="text-align: right;">༢༠༡༢༠/༠༦/༡༨ </p>