本期主播：<div>西刀才让，合作市初级中学藏语文教师。毕业于西北民族大学，2013年参加工作。</div> <b> དཔྱིད་ཟླ་རིང་མོ།<br> </b> ཕྱག་རྡོར་ཚེ་རིང་།<br><br><div>མིག་ཆུ་དང་ཤེས་རབ་ཀྱིས་མ་ཐེག་པའི་ལོ་ཟླ་ནག་པོ།<br>སྐྱོ་ངལ་དང་སྡུག་ཡུས་ཀྱིས་བཞེངས་པའི་དུས་ཚོད་རལ་བོ།<br>འཇིགས་དངངས་དང་རླུང་འཚུབ་ཀྱིས་དེད་པའི་གཤིན་རྗེའི་ཁྲིམས་ར། <br>མེ་ཏོག་དང་འོ་ཞོ་གང་ཡང་མེད་པར་ལོ་ཟླ་ག་ཙམ་འགོར་སོང་།<br>དགུན་ཁ་ཨང་།<br>ཁྱེད་ཀྱིས་སྐྱེལ་འོངས་པ་དུས་མཐའི་མེ་རི་ཁོ་ན་ག་ལ་ཡིན།<br><br>དུས་ཀྱི་རིམས་ནད་རྩྭ་སྐྱ་མེ་ཤོར་བཞིན།<br>རི་རབ་དང་ཁང་ཁྱིམ་ཡོད་ཚད་ལའང་སྡིག་སྒྲུབ་ཕོག<br>དགེ་སློབ་ཟུང་གི་མིག་འོད་དང་རྨི་ལམ་ཡོད་ཚད་སྦྱིན་སྲེག་བྱས།<br>ཀེང་རུས་དང་དར་ལྕོག་ཡོད་ཚད་སྲ་གཟུགས་སུ་གྱུར།<br>གྲང་ངར་དང་སྨུག་པ་ལྟ་བུའི་ལམ་ཕྲན་ཡལ་བར་བོར།<br>ཁྱེད་ཀྱིས་དཔྱིད་འགོ་ལ་བྲིས་བའི་འཆར་འགོད་དེ་རྡུལ་དུ་བརླགས།<br>ཁྱེད་ཀྱིས་ད་དུང་ཡང་།<br>རང་གི་བྱས་ཉེས་ལ་འགྱོད་གཤགས་མི་བྱེད་དོན་ཅི་ཡིན།<br><br>འཆི་བདག་གི་མཆེ་བར་ན་རང་ཉིད་འབུལ་མཁན་གྱི་མི་བུ་དག <br>ཏག་ཏག་སྐབས་འདིར།<br>ཁྱེད་ཚོ་ནི་ད་གཟོད་གསོན་པོ་ངོ་མ་དེ་ཡིན།<br>ཁྱེད་ཚོ་ནི་ད་གཟོད་དུས་ཐོག་ཆར་བ་དེ་ཡིན།<br>ཁྱེད་ཚོ་ནི་ད་གཟོད་མི་ཡུལ་གྱི་ལྷ་ཚོགས་དེ་ཡིན།<br><br>ཁྱེད་ཡོད་པས།<br>ཕ་ཡུལ་ལ་དཔྱིད་ཀ་སླེབས་བྱུང་།<br>དཔྱིད་ཀ་ཁོ་ནས་ལྗང་མདོག་གི་ལྭ་བ་མནབས་ཏེ།<br>སློབ་གྲྭའི་ར་སྐོར་དུ་སླེབས་བྱུང་།<br>བྱིས་པ་ཚོའི་འཛུམ་མདངས་ཀྱི་ཁྲོད་དུ་སླེབས་བྱུང་།<br>དཔེ་ཁུག་དང་སྨྱུ་གུའི་རྩེ་ལ་སླེབས་བྱུང་།<br><br>སློབ་གྲོགས་ཚོ།<br>ཁྱེད་ཚོ་ཕ་ཡུལ་གྱི་ལམ་ཕྲན་ཀྱག་ཀྱོག་རྒྱུད་ནས།<br>སློབ་གྲྭའི་ར་སྐོར་དུ་ལོག་ཤོག<br>སློབ་རའི་གྲུ་ག་རེ་རེ་ན།<br>ང་ཚོས་སྨོན་གྱིན་པའི་དཔྱིད་ཀྱི་དུས་ཚིགས་བཞད་ཡོད།<br>སློབ་ཁང་གི་གྲུ་ཟུར་རེ་རེ་ན།<br>ཁྱེད་ཅག་གི་དཔེ་ཀློག་དབྱངས་རྟ་སྔར་བཞིན་འཁྱིལ་འདུག<br><br>སློབ་གྲོགས་ཚོ།<br>ད་ནི་ལེ་ལོའི་མེ་ཡིས་འཚིག་པའི།<br>འདས་སོང་གི་ཐག་པ་ཡང་བསྐྱར་སྡོམ་དང་།<br>དཔྱིད་ཀས་ང་ཚོ་ལ་སྦྱིན་འོས་བའི་ལེགས་སྐྱེས་བསྣམས་ཡོང་།<br><br>སློབ་གྲོགས་ཚོ།<br>ཁྱེད་ཚོ་བགྲོད་འོས་པའི་ལམ་ཐག་ཤིན་ཏུ་རིང་བས།<br>ཇ་མངར་མོ་དང་ཤ་ཚོན་པོ་ཟས་ནས་འདུག་ཁོམ་མེད་དེ།<br>སྐར་ཕྲན་ལྟ་བུའི་ཁྱེད་ཚོས།<br>རང་གི་མདུན་ལམ་གྱི་ནམ་མཁར་ཤོག་བྱ་སྤུར་འོས།<br><br>སློབ་གྲོགས་ཚོ།<br>དུས་མཐའི་རླུང་འཚུབ་ཀྱིས་མ་འཁྱེར་བའི་ང་ཚོ།<br>ལས་ཅན་དུ་གཏན་ནས་མ་འདོད།<br>ང་ཚོར་ད་དུང་བསྒྲུབ་མ་ཚར་བའི་ལས་འགན་མང་བས་ཡིན།<br>ང་ཚོ་བདེ་ལེགས་ཀྱིས་འཇིག་རྟེན་ཨ་མའི་པང་དུ།<br>གསོན་པའི་སྙིང་བོ་ཡང་དེ་ཡིན།<div><br></div><div><br></div><div><br></div><div>责任主编：华旦扎西</div><div>本期审核：华旦扎西</div><div>本期编辑：马虎赛</div></div>