讲讲江阴闲话

七彩马

　江阴话也叫江阴说话或江阴闲话，使用咯是吴语太湖片-毗陵小片方言。江阴话分为澄要话、澄东话、澄西话、澄南话、江淮官话5大门派。江阴话以“刚锵”而出勒名咯，所以有句老话说：“情愿搭苏州人相骂，勿愿与江阴人讲话”。

江阴话有29个声母，分清浊声母；43个韵母，7~8个声调（城里7个）。江阴话语音语调实在咯丰富，独具特色。“同乡勿同音，同村勿同调”咯现象得到嘞充分咯体现。江阴话是千百年来江阴人积累咯宝贵语言财富，也是吴文化咯重要组成部分。

江阴话咯“刚”是由江阴人咯直爽性格决定咯，直刮三扁担，直来直扣，勿会弯眉细眼，有一说一，决勿会拖泥带水。

九十多年前头，刘半农先生曾经用江阴话写了一些诗，出版勒诗集《扬鞭集》，寄格勒嘞当时咯新文化运动当中，进行勒有益咯尝试，得较关文化名人咯称赞。

俄也尝试着用江阴说话写些咯短文。由于长期勒外头工作，口音已有所改变，江阴话也讲得勿哪哼道地，但乡音乡情永远是忘记勿忒咯，“年长忆童年”，欢喜回忆小辰光老家咯人和事，寄个也许应了那句：“少小离家老大还，乡音未改鬓毛衰”咯情形吧。

现在咯江阴人话会讲，但都勿会写，较关咯字已勿识得咯咧。勒嘞普通话普遍使用咯情况下头，作为方言咯拥趸人，呼吁年纪大咯江阴人应教育下一代讲好江阴话，寄个也算作是对吴文化咯一点点贡献吧。