<p>ད་ལྟ་ཆུ་ཚོད་བཅུ་གཅིག་སྐར་མ་ང་དགུ་རེད་འདུག དེ་རིང་གི་ཉི་མ་ཕར་ལ་བསྐྱལ་ཞིང་སང་ཉིན་གྱི་ཉི་གཞོན་ཚུར་ལ་བསུ་བའི་དུས་ཚོད་ཁྱད་པར་བ་ཞིག་ཡིན་འདུག ཁྱོད་ནི་སྔར་བཞིན་ངའི་སྙིང་ཁོང་དུ་འཛུམ་དམུལ་དམུལ་དུ་གནས---བསམ་གཏན་ཆོས་སྒྲོན། ♛</p> <p>ཤར་གྱི་ཟླ་བ་ཁེར་འགྲོ།།</p><p>དམ་བེ་ནང་དུ་ལྷུངས་བྱུང་།།</p><p>འོད་ཟེར་ཤེལ་གྱི་སྐུད་པ།།</p><p>ཆང་གི་རོ་ལ་འཐིམ་ནས་།།</p><p>སེམས་ཀྱི་དར་ཐག་བརྒྱུད་དེ།།</p><p>ཧུབ་གསུམ་རྔམ་བཏུངས་ཤོར་བྱུང་།།</p><p>སྐྱེས་མ་བསམ་གཏན་ཆོས་སྒྲོན། ། </p><p>ཁྱོད་ལ་བཅང་བའི་བརྩེ་བ། ། </p><p>ཤ་གསེང་རུས་ལ་འཐིམ་ཡོད། །</p> <p>ནམ་མཁའི་ཟླ་བ་ཁེར་འགྲོ། ། </p><p>ཁོ་མོའི་ཕྱོགས་སུ་འགྲོ་ན། ། </p><p>སྐྱེས་སྐར་ཉིན་བཟང་འདི་ལ། ། </p><p>བཀྲ་ཤིས་མཆོད་གཡང་ཕུལ་རོགས། །</p><p>བརྩེ་བ་ཕྱི་ཐག་རིང་བའི། ། </p><p>དངོས་གྲུབ་ངེད་ལ་བསྩོལ་ཞིག།</p>