<p> དུས་རབས་གསར་བའི་གཟའ་ཚང་།</p><p><br></p><p> རྩོམ་པ་པོ།………ཚོར་བ་ཁེར་ལབ།</p><p><br></p><p><br></p><p>སློབ་གྲྭའི་སྒོ་འགྲམ་བཟའ་ཚང་ཁྱུ་ཚོ་གཅིག །</p><p>ཕྲུ་གུ་སྐྱེལ་ཁ་མ་རྒན་མཚོན་རྩི་བྱུག །</p><p>ཕྲུ་གུ་བསུ་ཁ་ཕ་རྒན་གོས་སྣ་བརྗེ།།</p><p>བཟའ་ཚང་ཁ་བྲལ་འགྲོ་བའི་སྔ་ལྟས་རེད།།</p><p><br></p><p>འཚོ་བའི་ཁྲོད་དུ་བཟའ་ཚང་ཁྱུ་ཚོ་གཅིག །</p><p>ནང་གི་བཟའ་ཟླ་སྡིགས་རྡུང་གཡོ་འོག་བཙུད།།</p><p>ཕྱི་ཡི་དགའ་རོགས་ཁ་འཇམ་ཚིག་གིས་སླུ།།</p><p>ཁྱིམ་ཚང་ཁ་འཐོར་འགྲོ་བའི་གཞི་མ་རེད།།</p><p><br></p><p>ནང་མ་ཨར་ཁང་ནང་ནས་བཟའ་ཚང་འགའ།།</p><p>ཕྱི་ཚུལ་སྨྱོ་གཟུགས་དོད་ཀྱང་མཛེས་མདོག་ཆེ།།</p><p>ནང་སེམས་ཁྲེལ་མེད་ཡིན་ཡང་བཟང་ཉམས་བྱེད།།</p><p>བཟའ་ཟླ་ལྐོག་ཚོང་བྱས་པའི་རྟགས་མཚན་ཡིན།།</p><p><br></p><p><br></p><p>ཨ་ཕ་དྲང་བདེན་རིགས་ལ་རྒྱུག་ཁྱི་བྱེད།།</p><p>ཨ་མ་དྲང་བདེན་རིགས་ལ་གཡོག་མོ་བརྩི།།</p><p>བཟའ་ཚང་བདེ་སྐྱིད་མེད་པའི་རྒྱུ་རྐྱེན་དེ།།</p><p>དྲང་ལ་རྒྱབ་སྐྱོར་མེད་པའི་གནོད་སྐྱོན་རེད།།</p><p><br></p>