<h3>དྲན་པའི་འདབ་རྫབ་ནས་ཁྱེད་རང་མ་འཐེན།།</h3><h3>དགའ་བའི་ཆུ་བོ་ཡི་གདིང་ནས་བྱིང་བཅུག།།</h3><h3>སེམས་ཀྱི་གསོས་པའི་བརྩེ་བའི་མེ་ཏོག་ལ།།</h3><h3>གདབ་མ་རྒྱས་ཏེ་དྲི་ངད་ལོངས་སུ་སྤྱོད།།</h3><h3><br></h3><h3>ཉིན་བཞིན་ཁ་པར་ཅེར་ལྟ་ཡང་ཡང་བྱེད།།</h3><h3>ཁྱེད་ཀྱིས་བསྐུར་བའི་འཕྲིན་ཡིག་མཐོང་ན་བསམ།།</h3><h3>འཚམས་འདྲིའམ་ཡང་ན་སྨོན་ཚིག་འགའ་ཤས་ཀྱིས།།</h3><h3>ང་ཡི་སེམས་ཀྱི་དགའ་བའི་བློ་ཁ་དབང་མེད་བཞད།།</h3><h3><br></h3><h3>སྐྱོན་ཡོན་གང་ཡིན་སེམས་ཀྱིས་ལེགས་འབྱེད་ཀྱང།།</h3><h3>སྣ་འཛུབ་ཡང་ཡང་འཛུགས་ཏེ་བརྡ་ཡང་གཏོང།།</h3><h3>བརྩེ་བའི་ཐག་པའི་སེམས་ཀྱི་ཆ་ཤས་འགར།།</h3><h3>དམ་པོ་འཆིང་སྟེ་གྲོལ་བའི་ཐབས་ཤེས་དཀའ།།</h3><h3><br></h3><h3>སྲུང་བ་པོའམ་རེ་བའི་བྱ་ཡུལ་ཞིག།།</h3><h3>རང་ཉིད་ལས་གཞན་སུ་ཀྱང་བརྟན་པར་དཀའ།།</h3><h3>རང་གི་མདུན་ལ་འབུར་ཚུགས་ཞིབ་ལྟ་སྟེེེ།།</h3><h3>ལེགས་པའི་ཕྱོགས་ཀྱི་བྱ་བར་ནན་པོ་དགོས།།</h3><h3><br></h3><h3>བསྲེག་བྱའི་གད་སྙིགས་ཡང་ན་ཉེས་པ་སོགས།།</h3><h3>ཡོ་བསྲང་བྱེད་རྒྱུ་ཤིན་ཏུ་གལ་ཆེན་ཡིན།།</h3><h3>ཉེས་པ་ཡང་ན་གད་སྙིགས་མ་འཕྱག་བར།།</h3><h3>ཤང་ཚང་ཡང་ན་སེམས་ཀྱི་གཙང་སྦྲ་དཀའ།།</h3><h3> ……追梦者之一</h3><h3><br></h3><h3><br></h3><h3><br></h3><h3><br></h3>