广府丧葬俗例考

乐善

广府葬俗

尼个话题，知道好多好多人都好避忌噶，所以一直都唔想写，事实上确喺好繁杂，而且，各处乡村各处例，要写清楚要花好鬼多脑汁，时间；最主要喺有d人中意驳嘴驳舌，，，

不过，戊戍年中秋后，我几乎每周都接到一、两个求助，喺真切咁触摸到岁月流逝之余，亦体会到80后、90后尼D独生子女喺永失至爱之余、惘然无助到手足无措，既想、亦需帮亡人办好身后事，又三姑六婆、七嘴八舌，既怕做少了，又怕做错了，总之就应咗广府老话:师傅多，难葬地。

正吉堂师门，唔喺做殡葬业噶，所以，无直接去到身边加以援手，都只能派个相熟的、跟踪过佢哋服务噶专业人士，然后就从旁解答好多好多为什么。不过，总感到不完整详细，使佢哋都揣揣惊惊，因为，葬礼，喺好多好多的内容的，好多好多内容都喺唔知道有乜嘢根源、依据？而且会带来好多好多不便，需要好多客观条件、事先要有好多风俗知识、逻辑体系、和物质准备，所以，当我见到独生子女无助噶眼神，我就讲讲吧。

有道：

今夕吾躯归故土，他朝君体也相同。

生和死，本身就喺万物的必然，假若你我都心平气和咁去体味一下一个完整噶传统葬礼，去睇一个人从死亡到入土为安、或者化作一缕轻烟，期间你就可以透过认知好多好多噶社会和当地风俗元素，你就会发现生固然可以好玩、而死亡其实都几好玩噶、几具有游戏性嘎；你会发现死亡只不过喺另一种方式的存在，那么，你对生命嘅认知就有咗更多角度、更深层次噶内容，并不那么可怕。

首先，中国人，应该点死，先至喺好死吖？

师傅你真喺搞笑，死本身就唔好，有乜鬼嘢好坏之分吖？呐，细路仔，讲古就唔好驳古啦，而且，睇事情要发现其“理”，就喺要总结出逻辑，多读圣人书，当时唔明白，遇事细思就得了，背书噶作用喺尼道，古人云:凡事预则立，不预则废。预咗会发生噶事，唔去早做准备，咁就真喺电白佬话斋:你谋有识死呢？！呐、真喺生吖累人、死吖累街坊呐!

所以，好坏之分就喺:有无准备，有无留低麻烦比人哋。

　　咁，几岁死，属于书本讲噶”乐享天年”呢？

按习俗而言，六十岁后，就喺天年了，年过七十就已经是古稀之年了，无论是自然病死的还是意外死的，也算是“寿终正寝”，算喜丧啦。低于六十岁就喺“死于非命”云云。

另外，仲有一个俗例噶，就喺大凡唔喺家中死亡噶，就从死忌日起计，由头七至尾七数，凡做七之日能遇上初七日，就喺天命，做完尾七噶，都遇唔到初七日，就喺枉死，必须要解病关锁，超度之类噶封建迷信活动啦。

另外，广府地区解放前，六十岁做大寿，就会由媳妇做寿衣，搞尼个寿衣要择个好日子好时辰，一般由仔和心抱负责去订购，几个仔，就几多套；女，就做鞋。寿衣色泽以纯色、素色为主，非官宦人家，唔敢用织锦，最多只喺用绸，因为，封建帝王时代，平民百姓不能用丝绸，但八十岁就允许着，死者也允许，呢样喺皇帝陛下规定噶，旧时代，就喺咁样无人权嘎啦，依家？呵呵呵呵，X主？X由？依家党和国家会唔会规定嘎啦，，，唔会呱？佢哋咁忙，睇新闻联播里面，好鬼多会开，好似好多，，，譬如扶贫工作，穷都唔准啊，边得闲理你着咩衫裤喔，就校服赚钱先啦，，，冚国旗？无搞笑啦。

都喺言归正传，寿衣多用青、白、棕、酱、茶等色，忌用大红和粉红，否则，死人着红衫，冤鬼凶猛，无人敢做，除非怨气冲天，想做鬼都唔放过，，，；绿与禄音相近，不宜带到棺材，恐防碍子孙官运；蓝色恐子孙褴褛；黑色属大晦之色，若用黑色，一定会有锦绣，有诰命官服啦，黄色乃正色，杀头噶，皇马褂？！車，衰仔一定留下啦。寿衣件数几多？衣料好坏？视乎家境贫富，身份而定，一般都越礼越制嘎啦，官府都唔理，除非有人靠害举报。一般都用单数，唔用双数，件数上衣为11件，裤为7件；或上衣为7件，裤为5件；忌九件，阳之极，唔敢啊。亦有地方习俗以男双女单订制的，呢样我就至今未查出理由喺咩。六十大寿当日着过，就唔再着，直到临终先换上。

　　咁寿衣，咩款式吖？

依家个时代，就咩款都有，但喺以前噶传统寿衣款式，广府地区都喺明朝时汉人噶平常服饰，当年清兵入关，主政朝野，严令天下百姓，剃头蓄发，改穿旗人服装，否则杀无赦，特别南方，南明余孽一直都盘踞在南方一路退去云南缅甸；广东嘅汉人反抗非常严重，尚可喜杀人一路杀到驷马涌、十八甫，清朝政府最后为了平息民怨，最后答应广府百姓“男降女不降”、“男从女不从”，“生着死唔着”噶要求，即男人、生者剃头，改着清朝服饰，女人、死者仍着汉朝服饰入殓，所以，女人，更加唔会着旗袍入殓。尼个习惯从明末清初广府地区一直都有保留。唉，二十万人齐解甲，更无一人是男儿吖！

再一个重要，就喺棺材啦！可以讲足三年古仔噶，唔使避忌噶，广府俗语好鬼多好盏鬼噶俚语同棺材有关，譬如，“睇你三十几岁人都无副寿板，你都够沙胆。”喺等于闹人三十岁都唔生性搵钱，无所事事。

棺材亦叫寿板，一般都喺松木、柏木、柳木、杉木、桐木，当然，最顶级当然喺楠木啦，而且，楠木珍贵，但都只喺用在棺木同神主牌之类祭器，前几年，有土豪收藏家，辛辛苦苦收集咗金丝楠木，却去做家私，做罗汉床、做茶台，，，笑死我啦，又唔好意思讲佢知，当然，可以做栋梁，，，譬如庙宇，譬如陵寝嘅享殿，就如毛主席纪念堂。譬如隋朝咁快亡国，就喺拆前朝享殿柱梁做宫殿柱云云。棺木以广西柳州出产嘅为最好，就喺人都知嘎啦，其实，大部分都推崇杉木，记得我嫲嫲讲，佢做比自己噶棺材，喺两条大杉木开，村民羡慕咁讲大到可以喺里面打筋斗，油七七四十九遍油，敲起来，铁板咁声。依家就有中式西式之分，传统中式棺材呢，点为止高级呢？就一个标准:一条过嘅木头开出四块大板，咁就最最最高级了，就喺粤语:掂!尼个字嘅意思来源啦，所以当时棺材好多品级术语，我就唔一一罗列出嚟啦，总之数目越细就代表喺用材越大条。另外，棺材无论咩木料，最紧要靠油漆层数，所以，棺材亦叫做“枋”。依家党和国家领导下嘅民政局供货企业，推出嘅棺材，咩紫檀、花梨木、、、真喺无知者无畏，木头喺有属性噶，唔可以乱用噶，哎，此处不再赘述了，无语。

万年松柏，喺指泡在水里，埋在土里，经久不化，漆器也是。但一挖出来，就见风即毁，松香都变琥珀。旧时棺材铺呢，都喺杉木栏一带喔，我未考据过，我记忆中好细个噶时候，沙基涌确实喺好多木排。

咁，山地呢？嗯，尼个问题就技术问题啦，专业严谨好多好多啦，专业噶事，就留比专业噶人做啦，况且，土地是国家的，听党话啦，此处先不展开嚟讲啦。

咁，做好嗮以上准备，喺咪就可以放心地去马？纵情放肆呢？就唔会麻烦到人哋呢？

做人做事，如果理直气壮咁讲:我自己搞掂，无麻烦人哋，咁思维咁想法，喺合理合法不合情噶人，骨子里属于自私自利噶想法，不符合“仁”，仁尼个字就喺二人同行，总之，当别人、自己冲口而出讲:唔使你理!尼句话噶时候，就喺极端丑恶噶，无论点，请大家细思一下，慎重一d，特别喺亲人之间。生不由你，死确实麻烦到人噶。你自己无眼睇，就可以理直气壮死比你睇咩？!

　　咁，既然你都喺要发烂渣，夹硬要死比人哋睇，咁，，发烂渣大嗮咯!死者已矣，在有生嘅一日，但凡称得为“人”就都要负起责任咯 :

“有你有我噶，”

“广府地区噶人都喺问心噶，知道大家有眼睇噶!”

“死咗都比人话，就唔好啦，，，”

“算啦，帮“你抹屎忽”就等于自己讲卫生嗟。”

好啦、就讲有眼大家睇噶嘢啦，讲风俗上殡葬具体喺点样噶啦。

从前嘅人一般都喺屋企病故，家中老人若不幸即将驾鹤西归，家人子女就要做充分噶准备，依家，大部分都喺喺医院，医生叫你签病危通知书，咁旧时就无尼类专业指引噶，咁有咩依据呢？广府地区乡野村夫都有一整套经验，就喺五个特征:

睇赖尿、睇膝头、睇耳珠、睇人中、睇下巴。

老人家在断气之前，因为心脏衰弱到极点，供血不足、肌肉松弛会引起失禁现象而沁尿，喺缓缓噶、好长时间噶，唔喺赖尿吖；民间叫“过河尿”，所谓：“屙咗过河尿，好过奈河桥”。就喺咁样解作啦，所以，旧时游水偷渡落香港噶人，都唔喺落水前屙尿，而喺落咗水喺海里面屙，唔屙，又唔得喔；喺岸上屙，就衰硬，一定到彼岸，，，喺水里面屙，就百分百成功云云，我听偷渡噶人讲噶，无考据过。

言归正传吧，如果有呢种情况下老人家的情况就唔喺几妥当啦，咁样，有经验噶村老，就会拉起老人噶膝盖，个膝盖自己滑落，无法支撑屈膝状，咁就要通知所有外出工作噶人等，尽快翻屋企，最多两日，耳珠内贴向颈骨，就一日之内了；而人中由于上唇下塌、好似忽然之间整个上唇变薄塌落包裹牙骨，而人中凸显，就三五个时辰之内了，咁就进入弥留之际噶工作了。

通常由同性噶家人子女立即帮老人抹干净身体，换上准备好噶寿衣，扶老人出正厅、廊下临时床铺，有席地而放，亦有用桥凳铺板，头朝里脚朝外躺好，对住门口、或者对住天井。所以，一般家居行（hang)床喺唔会脚对大门噶，尼个喺禁忌，唔喺风水。全屋蚊帐、窗帘一定要拆除，据闻蚊帐如天罗地网，会罩着死者的灵魂不得往生，同样，死者入殓喺绝对唔会着冷衫（毛衣）。粤俗，结婚一定要挂蚊帐，因为传统“封建迷信“认为，人瞓着咗，灵魂会出窍，有帳幔不会灵魂走咗，老公唔会同床异梦，灵魂飘鬼咗去奸妃道鬼混，而且要蚊帐钩，挂住!

　　老人弥留之际，子孙要喺老人头下面枕一叠“金银衣纸”，右边衫袋里装上“阴司路引公文包”（专门有得卖噶），子孙要喂佢糖水，齐跪床前可以呜咽、但唔允许嚎啕大哭、唔准呼唤老人名字、送老人上路，直待其“寿终正寝”。以前亦有风俗，喺老人死时要在其口中放入“龙银”，喺咩嚟噶呢？就喺一种银币，保值噶，有一个代称:硬嘢（第二声），就喺依家d人饮烈酒就叫硬（第二声）嘢，啤酒红酒等等就唔喺硬嘢，有实力、有料、憾世界通行无阻噶意思，就喺“有银跟尾”，唔喺“口糠糠，贪口爽”，落到阴间地府、下一世都讲话有牙力、埋得起单，有权势！又以银票、银纸贴喺手，分握死者手中，所谓世道难行钱作马，买路钱。点解喺纸币？所谓生不带嚟，死不带去，其实喺错嘎，说话就人人讲，而是否正确呢从嚟无人留心噶，君不见：婴儿出生就死死握住拳头，而死去都话“撒手人寰”，自己好好想想为咩会咁样？！所以，只能纸币黏着手板心。口袋路引，咁可否放钱？唔得。太重负担了。

老人过世，马上要喺床下点一油灯，必须喺用油，蜡烛喺唔啱嘎。尼盏油灯一直要点到出殡时先熄灭，但油不可尽，旧时大殓、起棺，仵作会有一番动作噶，好悲壮豪迈噶，不过，依家估计无咁专业噶人士了，职业尊严，喺无分贵贱噶，仵作都有好端严噶素养，引人尊敬，譬如有部日本鬼子的电影，个名字叫做《入殓师》，几发人深省噶，主角几靓仔噶，嗯，起码温良恭俭让气质能具备。

弥留之际必须要喺门后摆两张凳仔比黑白无常坐，摆三杯酒，三杯茶，点对蜡烛，而门官位置，必须要满茶满酒，门神尽快用白纸封住，否则，魂魄会乱；确定已经去世了，尼枝蜡烛喺为死者在阴司路上照明，昼夜不息，出殡时方可熄灭。

死者的头面不能见天日，马上要用白布盖住，眼位置仲要压个硬币。入殓时要加盖元宝，否则视为大不敬。

　　民间确有几个禁忌，家中有养猫噶人家要将猫绑好，特别是黑猫，切不能让猫在尸体身上跨过，相传这样会诈尸，让死者发生尸变，狗呢，就要即时绑住带走，离开屋企范围，另外，第一时间就搞好一枝招魂幡，孝子攞住，其实除咗做仪仗，招魂赶野鬼骚扰、悲痛扶手之外，好重要功能喺赶狗，勿吠魂逐魄，否则，会吠扰鬼差和魂魄，细个我嫲嫲都有同我哋讲尼类故事，有名有姓，绘影绘色，引人入胜。

过去，无论农村城市，为人子女者都非常重视“养老送终”，父母去世而儿子未能在临终时相送，不论是什么原因，亦会被视为最大噶不孝，若仔（只要求仔、男丁）不能在临终前赶回而在出殡前赶到，人到巷口就要跪低，赤脚，腰带即时除去，首饰，连领带皮带都要除去，只用布条或草绳绑住裤头；哭喊着伏地爬行到死者床前。

以前广府地区实行土葬，倘若有人不幸客死异乡， 无论路途几远，一般都会将死者运翻家乡，最不济，都要就地火化，送骨殖回乡，特别喺清朝洪秀全起义噶时候，湘军就更加了，都会叫湘西赶尸苗人巫师（属巫祝类，无亲眼所见，不述），送战死同袍回乡，所以，湘军好打得，所以军队噶地域团伙好厉害，主要喺乡党乡谊，由袍哥组织留下来的，并非美军先会有寻找每一战友的传统，我军我国原本都有呢种情操噶，广东过去卖猪仔过南洋，都有送骨回乡的义举。让死者在故土入土为安，但按照传统习俗，客死异乡的遗体是不得入村的，家人只能在村口的榕树下为死者临时搭棚守夜，一般广府地区，村口都有大榕树，树下就立住“社龙“，社龙喺咩嚟噶呢？就喺“社稷神“就喺土地和谷神，尼个土地神，有别于屋企个地主，相当于“代表“人民意志的“党组织“级别的神，除了天坛，地坛，月坛，有社稷坛，喺天安门噶右手边，左祖（祖庙）右社，一般村，都喺左祠堂，右喺大榕树下社龙，村前一条大路，两个路口，一般都会喺社龙噶右边设棚设祭后，入殓等等之后，天未光就上山天亮噶时辰，由村外环路，绕村循小路（避人）上山安葬，唔冲撞、骚扰邻人，在村口有尼类白事，一般都会绕道祠堂嗰边出村，大肚婆冲撞咗，咁细路出世就好多好多姿整，譬如夜啼等等，都会契比大榕树，契比吕洞宾，另外再讲，所以，岭南好多好多榕树，树形树冠好靓，但花园都唔种，所谓榕树不容人。

老人一故世，家人仔女都要除低所有首饰，换上孝服，为先人守孝，孝服，唔单只指素色衣服，过去噶素，喺指无漂白原色粗布、粗麻，艳白细布，不属于素，当然，无区分得咁细致。

        以前无电话，丧家要亲自去亲、好友家中报丧，而报丧者只能去到亲友门前两步通报，绝不能入门，企西关大屋檐口都唔得。家中有至亲离世的，一个尾七内都唔能够去他人家中作客，如果至亲不幸离世，家人整年唔做节、唔接受宴请、春节期间唔贴春联、珲春、唔外出拜年、烧炮仗、派利是，总之唔做喜庆噶事情。

       先人入殓前为死者买水沐浴净身，称为“买水”，各地风俗习惯不尽相同。在广府地区，一般由死者噶长子去做噶，好多好多地方有几兄弟，几兄弟都要去，如无子嗣，即由家族中的侄儿执行，若无子侄，所谓子即喺侄侄亦喺子，帮人担幡买水，就可以接家产，就喺过房了，以后，唔可以叫老窦喺老窦，所以，四邑一带，好多人叫老窦做阿叔，老母做阿婶，就喺过咗房了，皇家就更多尼类游戏啦。如果，都无子侄，就要“买孝子”啦，咁价钱就睇中间人抽水几多啦，出钱请人“买水”过去自梳女最多。买水一般在早上鸡啼前，捧住个钵头去村噶河流小涌，但绝对唔可以喺山溪，井水，手续仪式好复杂噶，孝子戴三果冠，披麻赤脚，越衣衫褴褛越悲戚越好，手执丧杖，捧瓦盆，在亲属和法师的引领下哭赴水滨，投一文钱“买水”。尼个仪式来源于咩？其实，好多正规经典喺严谨解释，而且，都喺南番顺，惠州博罗一带最多，考据过喺由于珠玑巷先民，沿住祯江一路流落到九江上岸，江水洗身好回乡噶原因。所以，d村头阜头，好多好多古钱，瓦钵。

家中有人先逝，屋企中供奉的神像要用红纸面朝里封盖起嚟，以免鬼魂受惊，门口有贴对联和门神的也要一一撕去，门口挂起一个白底蓝字灯笼，尼个就喺著名的“蓝灯笼“，黑社会收靓仔，比人刚刚踢入会噶人员就叫蓝灯笼，意思喺挂号、同埋“送死“噶意思。将家中摆设尽量换上白色素色物品，设灵拜祭，供亲友嚟拜祭，唔喺用香炉噶，喺一个瓦钵填米落去做香炉，一个瓦盘，烧纸钱不断，只能烧溪钱，往生咒，不能烧杂花钱，另外供品，贡品一定有米饭，芽菜，一个咸蛋切开摆喺饭面，竖插对筷子喺饭上，倒酒落去，豆芽，豆腐，呢样叫做水饭。门官位置，亦会放一份，只有饭和芽菜，一样插一对筷子喺饭道，三餐吃饭，都换新的，旧噶，唔可以倒去垃圾桶，更不可以喂鸡鸭狗只，只能倒落河。死者脚下再点一对白蜡烛，昼夜不息，家人守护旁边，通宵不寐，谓之“守夜”，等齐孝子贤孙一般尽量第二天择时辰出殡。如第二日喺三娘煞之类，咁就由“喃呒佬“破煞啦，一番复杂仪轨。

然后就喺入棺，叫做“大殓“。通常由“喃呒佬”择好时间，提醒有相冲的生肖噶回避，入殓噶时候，如果喺男性，而老婆在世，就会喺棺材预先底板画好噶北斗七星上摆上七个铜钱，帮老公指明方向，最后一次“相夫教子“，亦都表明“未亡人“清楚人生方向，而女性先人，丈夫在生，那么由丈夫亲手喺鬓边插上一朵花，，，死在夫怀一支花，就喺咁解啦。先人入殓后尸体一定要躺平正，头下一定有枕头，头唔可以偏，口唔可以张，否则死者睡不安宁，而且日后会偏心保佑其中一个子女，“喃呒佬”一般都会执红线，自死者鼻梁间拉到棺尾，让在场子女观看，认为尸身平正才可入殓。然后就铺被，一般每个子女都一张，亲家一定要送被，然后，就喺陪葬品。摆好嗮，喃呒佬就带领亲属绕棺三圈送行，见死者最后一面，然后，就会大喝一声:钉  盖。钉，如果过去，全部都喺优质木签，都喺硬质木类专门造，唔会用铁钉，怕钉亲亲人，所以，有d人话咩收集棺材钉辟邪，好搞笑咯。钉盖后，从此阴阳相隔，爱恨情愁一笔勾消，永不相见！

         出殡，俗称“上山”即把灵柩送到安葬地点。

出殡前先当然会择吉日，停灵几日，一般都无规定噶，都喺等齐重要噶人。

        出殡噶时后子孙亲属都要带齐孝，披麻喺有规定噶，一定唔会左右平齐噶，死者男性，就左长右短，而女性死者，就右长左短。晚辈带孝，平辈长辈唔带，集齐人等，长子持招魂幡，孙辈全部提灯笼，由仵工把棺材轻轻 移一下，喃呒佬，会喺尼一刻半唱半诵一段文，棺前有个沙煲，煲咗一煲半生半熟噶，窿黄噶饭，一壶茶水，个喃呒佬段唱文，好抑扬顿挫噶，我喺台山听过，喺背身好硬噶语气扮演死者讲比生人听，内容大概喺生有何喜，死有何悲，佢一生成就足够，大概喺自传式个唱词，尼个喺“起柩文”，棺材，空就喺棺，放入死者就喺“柩“，个喃呒佬忽然会一脚踢烂个茶壶，然后，拿起个沙煲高高抛起落地，仵作会一起大叫“启灵”，嘀嗒会吹响，

        长孙攞住大蓝灯笼引领（灯笼好紧要噶，喺香火，喺薪火相传），写上某府出殡，或是某某归虞，写上享年，享年要报大数，喺真实年龄上面加三岁，即“天一岁，地一岁，自己加一岁” ，有俗语云“死人灯笼报大数”，旧时，就有嘀嗒佬吹嘀嗒噶仪仗队，再架势呢，就有埋大灯笼、铭旌亭、遗像轿、纸扎轿、真亭、主轿，有大锣不过无鼓、香亭、主亭、神主牌、然后先到灵柩。咁无钱噶，就孝子一个人捧嗮上面尼类嘢咯，最起码一手攞招魂幡，一手捧遗像和长寿香，或者几兄弟一人攞一样，喺灵柩前带路，灵柩旁边有个人一路撒米、奚钱，灵柩绝对不能用车运，要人抬，人越多，证明生前人品好，现在，无棺材，就扶灵（抬棺）企孝子两侧，以示不忘旧时提携之恩义，必扶持死者和死者子孙，旧日，更有生前好友，持木板拍打，声调迟慢沉重，如步履节拍，如亲人在身边伴行，，，

依家，都喺由医院直接送咗去殡仪馆，所以，出殡喺整个葬礼噶重要一环，无咩棺唔棺，都喺子女捧灵持香（香亭），担扇（就喺灵亭啦），招魂幡，喺医院翻屋企噶时候就已经用咗啦，

　　如果有身份噶人物出殡，旧时会摆“路祭”，送殡至一定地点（等于殡仪馆追悼会地点），举行辞灵仪式，孝子扣拜亲友，女眷和亲友各自归家，唔会直接送到山上墓地噶，由孝子和男家属送灵柩上山下葬，安葬后，俗例另取道回家，不能重走回头路。就如依家追悼会后，只喺孝子送去火化，喺合规合俗例噶。

苦主家要事先准备好一封利事和一粒水果硬糖，在亲友送别灵柩之后作为答谢。糖果代表从此远离悲苦，甜甜蜜蜜，帛金噶回礼唔可以带翻屋企噶，应喺路上花掉，否则会视为不吉。

先人安葬完毕（葬礼未完噶），丧主家属要请前嚟拜祭先人及有来帮忙噶亲友饮解秽酒，又叫“英雄饭”，一般都喺七个菜，“食七咁食“就喺咁样嚟噶，超过得唔得？可以，但不能超过九碗菜，必须喺碗装，俗称“九碗头”，依家d人习惯用七个菜，菜式无严格要求，但一定要有一样菜是斋菜，一定会有豆腐。

　　死者逝去第七夜，就喺标准噶回魂夜，至于d人话个个唔同，呢样就唔发表意见了，尼夜，会由牛头马面押解回家见家人最后一面，然后才去地府报到，俗称“头七”。尼夜，家人在入夜后，要在土地公前贴一张黄纸，将死者生前用噶碗筷倒转放喺土地公公前面，门口撒几粒米，引领鬼魂回家，仲要准备十个菜和果品招待鬼差，先人生前中意噶食物等，摆喺灵牌前供奉先人，有一个风俗还会在锅里放一只煮熟剥去壳噶鸡蛋，阻吓“鸡肠鬼“。

头七尼日，家人一定要集齐喺屋企，如常作息、活动，入夜，特别喺22点后，尽量唔好出厅走动，以免惊扰先人，见到有飞蛾粉蝶不能扑打，传闻这是先人的化身，我老窦回魂夜，就有一只蜜蜂，每处都巡一轮，喺每处。到咗凌晨五点鸡啼时份，家人要开大门向外边、好决绝咁样丢一把菜刀出去，用意喺把先人和鬼差送走，砍断尘缘，让其安心上路。

下辈子，无论爱与不爱，都永无关系、再唔相见，，，

　　出殡后，其实只喺葬礼完成第一阶段噶事情，然后就喺做七，要做埋尾七葬礼主要部分先叫基本上完，过去，一般都要满年，先外出离开屋企，依家，好多好多人都搵食艰难，党和国家今年过年讲孝顺父母，丧假就，，，所以，移风易俗吧，最起码都做埋尾七啦。

依家好多好多人为让先人早登极乐，都会问打斋超度噶嘢。问点解要做七？其实，做七喺佛教噶，喺依据《瑜伽经》里面的理论为依据，唔喺道教噶。

如果要打斋，就要去净土宗寺庙啦，禅宗喺无呢种道场，广州市内，大佛寺海幢寺都喺净土宗，仪轨好完整，光孝寺？嗯，禅宗噶，我，，，不发表意见了。

　　以上都喺讲老人寿终正寝噶，如果人不幸在少年时亡故，到咗佢成年噶时段，家人要为佢搞婚事，尼个就喺“阴婚“，无搞会点？嗯，尼类比较复杂的理据，第道专门再讲啦，相传若阴间仔女唔能够安居乐业、成家立室，咁就会直接影响阳世子女噶运程同健康之类噶事。

有亡故子女噶人家，要搞尼类事，过去，就会专门搵尼行噶“经己人“，就喺三姑六婆之一“牙婆“，就会喺四乡乃至更远地方，为其物色已故的同年龄段噶合适对象，当然要搵师傅夹八字，睇年庚，咩择日请期过礼之类，如无相冲，一般都会答应噶，因为，对方都要了事。

“冥婚”一般在黄昏日落后举行，一般都喺男家请喃呒佬、法师去接新娘，带备贴住白色纸画喜轿噶瓮，香烛和路票等前往女家，由喺女家一轮仪轨，有骨殖就起出，带领大妗姐（女家喜娘）拜过女家祖先，然后放入瓮埕，无骨殖，就银牌（写住名字年庚）一枚，烧路票冥钱，一路上接引的香不能熄灭，遇桥过社，过三丫路口都要呼唤鬼新娘芳名，到了男家，带来骨殖，就直接去墓地，入土。无，就预备一对纸扎人代表已故的新人，然后，银牌放入女纸扎人里面，当然一番仪轨啦，在大厅当中坐定，身边还有一对纸扎的童男童女，纸扎的大屋。

冥婚由喃呒主持法事，拜过天地父母，法事完毕后，焚烧掉所有纸扎的大屋，纸人偶，咁尼对鬼夫妻魂归天国从此安居乐业，阴阳各安。喃呒会将完婚后鬼夫妻名号写上神主牌，就可以正式请上神台，而且要从子侄里面选个过房，无人肯，点办？无得唔肯噶，因为，子侄确实接收了原本属于亡故者的福荫，唔肯承担责任，必定受累噶。自此领受子侄香火供奉。因为按照传统，未婚亡魂喺无法坐神台、入祠堂，小儿亡故，不论男女，只能在土地公公旁边为他设一个盒，可以上香，无法接受供奉，只有喺举行冥婚后，先至可以能列席神台，坐在祖先下手面领受香火供奉，一般神主牌写:公元少故祖先之位。

旧时代，十六岁即视同成人，冠，如细路仔不幸在成人前亡故，无论是胎死腹中还是出生后亡故，只要是未成年，一律不能按成人礼噶仪式殓葬，很多乡村会有专门一个地方安葬未成年亡故噶细路，称为“鬼仔岗”，广州好多好多地方都有，譬如燕子岗，譬如万国对面申银万国，嗰度零舍古怪噶。因为，细路尸身细，不适用一般大人用噶棺木装殓，只能用“窦”（一种很单薄盒）来装殓，贫困人家，甚至用草席一卷抬到山头草草埋葬了事。小孩子亡故，入殓安葬，父母都绝对唔可以参与，更不能相送，因为“白头人不能送黑头人”，否则会让孩子亡灵折福噶讲法，其实喺人文关怀嚟噶。故以前广府地方对小孩子有种恶毒的诅咒“塞窦窿”，就喺相当于话小孩子长唔大，短命种噶意思，依家人唔知，一样咁叫就唔好啦，有部鬼佬电影，叫做《超能塞窦窿》，好搞笑，个细路仔好盏鬼。

广府地区，一般实在一次葬，但亦有实行二次葬。

好多地方会在先人安葬三两年后，挖出嚟，有d甚至十年八年后，请风水师傅拣一个风水宝地，选一个黄道吉日，然后重新开棺，将先人骨骸洗净，放入金塔中迁葬，称为“执金”。亦有人家一时找不到风水宝地，将先人起葬后，把放有骨骸的金塔寄放在岩石边或田间，待日后安葬噶。所以，依家火化后，暂存骨灰楼，都喺好合理噶，唔使担心，有条件先葬啦。