<h3><br /></h3><h3><br /></h3><h3>ཤེས་ནས་དད་པའི་རང་སྒྲ། <br /></h3><h3><br /></h3><h3> བཤེས་གཉེན་ཆེན་པོ་དགེན་དུས་ཀྱི་སྒྲོན་མེ། </h3><h3><br /></h3><h3><br /></h3><h3>གང་མཚན་རྣ་བའི་བུ་གར་ཞུགས་ཙམ་གྱིས།།</h3><h3>མི་ཤིགས་སྲོག་གི་དངོས་གྲུབ་སྩོལ་མཛད་པའི།</h3><h3>བཅོམ་ལྡན་ཚེ་ཡི་ལྷ་ཚོགས་ཐམས་ཅད་ཀྱིས།།</h3><h3>དཔལ་ལྡན་བླ་མའི་སྐུ་ཚེ་བསྲིང་བར་མཛོད།།</h3><h3><br /></h3><h3>གདོད་ནས་ཆོས་དབྱིངས་དག་པའི་མཁར།</h3><h3>གང་ཐུགས་ཡེ་ཤེས་རོ་གཅིག་ཀྱང་།།</h3><h3>སྣ་ཚོགས་འགྲོ་བློའི་ཆུ་མཚོ་རུ།།</h3><h3>འཆར་བའི་གཟུགས་སྐུ་ཀུ་མུད་གཉེན།།</h3><h3><br /></h3><h3>དོན་ལ་འཆར་ནུབ་མི་མངའ་ཡང་།།</h3><h3>ཐ་མ་འགྲོ་བའི་སྣང་ངོ་རུ།།</h3><h3>ད་དུང་སྲིད་པ་ཇི་སྲིད་བར།།</h3><h3>ནམ་ཡང་ནུབ་པ་མེད་གྱུར་ཅིག།</h3><h3><br /></h3><h3>དེང་དུས་ཕྱོགས་འདིར་མགོན་ཁྱོད་ཀྱིས།།</h3><h3>ཐུགས་རྗེའི་འོད་དཀར་སྤྲོས་པའི་མཐུས།།</h3><h3>ལོག་ལམ་སྨག་ཆེན་མཐར་སྤྲད་ནས།།</h3><h3>དམ་པའི་ལུགས་བཟང་གསལ་བར་བྱས།།</h3><h3><br /></h3><h3>གང་ཚེ་འགྲོ་བ་མཐའ་དག་གི།།</h3><h3>ཕན་བདེའི་ལེགས་ཚོགས་ཀུན་གྱི་གཞི།།</h3><h3>རྒྱལ་བསྟན་གསེར་གྱི་ས་ཆེན་དེ།།</h3><h3>ཆབ་སྲིད་རལ་གྲིས་གཤགས་པའི་ཚེ།</h3><h3><br /></h3><h3>ཆེན་པོའི་གདོང་དང་དང་མང་པོའི་ཁ།།</h3><h3>གང་ལའང་གཟིགས་གསན་མ་གནང་བར།།</h3><h3>སྲོག་བཞིན་བསྐྱངས་པའི་ཆོས་ཚུལ་དེ།།</h3><h3>ནུབ་པར་གྱུར་ན་ག་ལ་རུང་།།</h3><h3><br /></h3><h3>དེ་ཡང་མགོན་པོ་ཁྱེད་ཀྱི་སྐུ།།</h3><h3>བཞུགས་དང་འབྱོན་པའི་རྗེས་འགྲོ་བས།།</h3><h3>དེ་ཕྱིར་བསྐལ་པ་བརྒྱ་ཕྲག་ཏུ།།</h3><h3>མྱ་ངན་མི་འདའ་བཞུགས་སུ་གསོལ།།</h3><h3><br /></h3><h3>རིང་ནས་སྙིང་གིས་རེ་བའི་ལྷ།།</h3><h3>ཤུགས་ལྡན་རིགས་ལྔ་འཁོར་བཅས་ཀྱིས།།</h3><h3>སྨོན་པའི་འདོད་དོན་མ་ལུས་པ།།</h3><h3>ལྷུན་གྱིས་འགྲུབ་པའི་གྲོགས་མཛོད་ཀྱེ།།</h3><h3>-------------------------------------</h3><h3>མགོན་པོ་གང་གི་སློབ་བུ་ཡོངས་ཀྱི་ཐ་ཤལ་བ་དྲྭ་མིང་དུས་ཀྱི་སྒྲོན་མེ་རུ་འབོད་པས་སྙིང་ནས་གསོལ་བ་བཏབ་པའོ།།</h3>